PROVERBIOS 12:8 - Dios Rimashcata Quillcashcami

⁸ Runaca alli yachac cashcamantami alli nishca canga. Ashtahuanpish millai shungu runataca tucuimi mana ricunayachinga.

PROVERBIOS 12:8 Referans Kwoze

2 CORINTIOS 10:18

Maijanpish paillatac “allimi cani” nirishpa jatun tucuctaca, Diosca mana alli ningachu, ashtahuanpish Diosllatac paita alli nicpimi, paica alli nishca canga.

1 CORINTIOS 4:5

Shina cacpica manarac juchanchina punzha chayamucpi, ama juchanchichicchu. Apunchic Jesús cutimunata shuyaichic. Paimi amsapi pacashcacunatapish, shungu imata yuyashcatapish achicpi shina ricuchinga. Shina ruhuacpimi, Diosca cada quiquin imata ruhuashcata ricushpa alli ninga.

HECHOS 12:23

Herodes “Dios shinami cani” nishpa, Mandac Diosta mana jatunyachishcamantami chai rato ángel ungüita cachashpa huañuchirca. Chashnami curucuna micushca tucurirca.

SAN LUCAS 16:8

Amo chaita yachashpaca, chai mana cazuc mayordomotaca ‘allitami ruhuashca’ nirca. Cai pachapaclla caccunaca paicunapura ima allita ruhuangapacca, Diosta caticcunata atishpa alli yuyaiyucmi.

DANIEL 12:2

Huañushpa allpapi samariccunaca shuccunaca huiñaita causangapac, cutin shuccunaca huiñaita pingaichishca llaquita apangapacllami causaringa.

PROVERBIOS 5:23

Paica mana yachachishca cashcamantami huañunga. Yallita yuyai illac shina, cashcamantami chingaringa.

PROVERBIOS 3:35

Yachaisapacunaca alli nishcami canga. Ashtahuanpish mana entendiccunaca pingaichishcami canga.

PROVERBIOS 1:26

Cancunata jatun llaqui japicpica, ñucaca asishami. Cancuna jatun llaquicunahuan cacpica burlarishami.

SALMOS 132:18

Paita piñaccunamanca churanata churachic shinami pingaichisha. Ashtahuanpish paipac umapica, jagan nicuc coronatami churachisha» nirca.

GÉNESIS 41:39

Shina nishpami, Faraonca Josetaca: —Tucui caicunataca Diosmi canmanca yachachishca, can shina yachac yuyaisapa runaca maipi mana tiyanchu.

1 SAMUEL 25:17

Cunanca, ima ruhuana cacpipish, alli yuyarishpa rimailla. Ñucanchic amotapish, paipac familiatapish llaquica japigrintacmi. Cambac cusaca yallita millai cashpami pi imata nicpipish mana entendin— nirca.

1 SAMUEL 18:30

Filisteocunata mandaccunaca macanacungapacmi shamushpa catirca. Chashna ima horas shamucpipish Saulta serviccunamanta yallica Davidmi ashtahuan atic carca. Chaimantami paitaca yallita cuyashpa, alli nic carca.

1 SAMUEL 16:18

Shina nicpimi, servicpuramanta shucca: —Ricui, ñucami Belén pueblopi causac alli tocanata yachac Isaipac shuc churita ricsini. Paica imatapish mana manchac sinchi, allita yuyarishpa rimac sumac huambrami. Shinallatac Mandac Diospish paihuanmi— nirca.

1 SAMUEL 13:13

Shina nicpimi, Samuelca Saultaca: —Canca yuyac illac shinamari ruhuashcangui. Canta Mandac Dios mandashca shina ruhuashca cacpica, cunanmanta pachami canmanpish, cambac huahua huahuacunamanpish israelcunata mandashpa causanataca saquinman carca.

ECLESIASTÉS 8:1

¿Pitac yuyaisapa shina runaca tiyan? ¿Pitac tucuita entendishpa huillacca tiyan? Alli yachaica runapac ñahuitami achicyachin. Piñashca cactapish alliyachinmi.

PROVERBIOS 12:7

Diosta mana manchaccunaca Dios chingachicpimi, tucurincunalla. Ashtahuanpish cashcata ruhuaccunapac huasipica ima llaqui mana tiyanchu.

PROVERBIOS 12:9

Micunallatapish mana charic jatun tucushca canapac randica, serviccunayuc yangalla runa canami ashtahuan alli.

PROVERBIOS 29:27

Cashcata ruhuaccunaca mana allita ruhuac runataca millanayachinmi. Cutin Diosta mana manchac runaca allita ruhuashpa causaccunatami millanayachin.

ISAÍAS 19:14

Mandac Diosmi paicunapac chaupipi muspachic yuyaita churashca. Egiptopi causaccunataca shuc machashca runa shitachishca jahuallapitac sansan nicuc shinata ruhuashpami pandachirca.

1 SAMUEL 2:30

Chaimantami israelcunata Mandac Diosca: “Cambac huasi ucupurapish, cambac taitacunapac huasi ucupurapish huiñaitami ñuca ñaupapi causangacuna” ninmi. Ashtahuanpish Mandac Diosca: “¡Manatac chashna cachun saquishachu! Ñucata alli niccunataca alli nishami, ñucata mana alli niccunataca mana alli nishachu.