PROVERBIOS 12:4 - Dios Rimashcata Quillcashcami

⁴ Yuyaisapa huarmica paipac cusapac corona shinami. Ashtahuanpish yuyai illac huarmica cusapac tulluta ismuchic shinami.

PROVERBIOS 12:4 Referans Kwoze

PROVERBIOS 14:30

Cushilla shunguca cuerpomanpish causaita cunmi. Ashtahuanpish shucpac charishcata munacca tullucunamanmi ungüita apamun.

PROVERBIOS 14:1

Yachaisapa huarmica paipac huasita alli nishpami sinchiyachin. Ashtahuanpish yuyai illac huarmica paipac quiquin maquicunahuanmi urmachin.

1 CORINTIOS 11:11

Ashtahuanpish Apunchic Jesucristopac ñaupapica, caripish mana huarmita yallichu, shinallatac huarmipish mana carita yallichu.

1 CORINTIOS 11:7

Carica Dios shina cashcamanta, shinallatac Diospac cushicuita ricuchic cashcamantami, umata mana tapallina can. Ashtahuanpish huarmica caripac cushicuitami ricuchin.

PROVERBIOS 21:19

Imatapish rimashpa piñachic huarmihuan causanapac randica, shitashca pambapi causanami ashtahuan alli.

PROVERBIOS 21:9

Imatapish rimarishpa llaquichic huarmihuan jatun huasipi causanapac randica, jahua azoteapi shuc cuchullapi causanami ashtahuan alli.

HABACUC 3:16

Chaita uyashpaca, ñuca shungu mancharcami. Rimacta uyashpaca, ñuca shimipish chucchurcami. Ñuca tullucunapish ismucuc shinami tucurca. Ñuca changacunapish chucchucurcami. Chashna cashpapish ñucanchicta llaquichiccunata llaquichi punzhatami ñucaca casilla shuyacuni.

RUT 3:11

Cunanca ñuca huahualla, ama manchaichu. Imata can mañacpipish ñucaca ruhuashallami. Ñuca llactapi causaccunapish, cantaca alli huarmi cashcatami yachancuna.

PROVERBIOS 12:5

Cashcata ruhuaccunaca allicunatacmi ruhuanata yuyancuna. Ashtahuanpish Diosta mana manchaccunaca llullashpami yuyaita cuncuna.

PROVERBIOS 18:22

Maijanpish huarmita taricca allitami tarin. Mandac Dios cuyashpa cushcatami chasquin.

PROVERBIOS 11:22

Sumac ñahui cashpapish, yuyai illac huarmica cuchipac singapi curi zarcillota churashca shinami.

PROVERBIOS 30:23

tucui mashna mana ricunayachishca huarmi cazaracpi, servishpa causac huarmi paipac amapac tucui charishcacunata quichucpimi mancharincuna.

PROVERBIOS 31:29

“¡Achca huarmicunami allita ruhuan. Shina cashpapish canmi tucui paicunata yalli alli cangui!” ninmi.