PROVERBIOS 12:3 - Dios Rimashcata Quillcashcami

³ Pipish Diosta mana manchashpaca mana sinchi cai pudinchu. Ashtahuanpish cashcata ruhuaccunaca alli sapiyashca shina, mana cuyuchipacmi.

PROVERBIOS 12:3 Referans Kwoze

PROVERBIOS 10:25

Huaira tamya shamushpa chingaric shinami, Diosta mana manchacca chingaringa. Ashtahuanpish cashcata ruhuac runaca maita mana cuyuchipac huiñaita causacunllami.

EFESIOS 3:17

Crishcallamanta cancunapac shungupi Cristo causachun, shinallatac cancunaca cuyaipi sinchita sapiyashca shina cachunmi mañacuni.

PROVERBIOS 12:12

Diosta mana manchac runaca millaicuna urmana tucllapi urmanatami munan. Ashtahuan imatapish cashcata ruhuacca alli pucuc yura shinami.

COLOSENSES 2:7

Cancuna ima shinami yachacurcanguichic, chai shinallatac yura sapiyashca shina Jesusta crishpa, ashtahuan sinchiyashpa, achcata pagui nicuichiclla.

SALMOS 15:5

cullquita mañachishpapish, interesta mana japic, mana faltayuc runata llaquichingapac imatapish mana japiccunallami chaipica causanga. ¡Chashna alli causaccunaca manatac urmangacunachu!

1 SAMUEL 25:33

Cambac alli yuyaipish alli nishca cachun. Huañuchishpa yahuarta jichangapac rinamantapish, ñucata llaquichinamantapish canmi ñucata jarcashcangui. Chaimanta alli nishcami cangui.

JOB 15:29

Mana chayucyangachu, imata charishcapish mana unayangachu. Charishcacunapish cai pachapica mana mirangachu.

PROVERBIOS 11:5

Allita ruhuac runataca cashcata ruhuashcami alli ñanta pushanga.

ECLESIASTÉS 8:8

Runaman causaita cuc samai ama llucshichunca pi mana jarcai pudinchu. Shinallatac huañuna punzhata jarcacpish mana tiyanchu. Huañuimantaca ima macanacunahuanpish mana quishpiri pudinchu. Diosta mana manchac runatapish, pai ruhuashca juchaca mana quishpichingachu.