PROVERBIOS 12:18 - Dios Rimashcata Quillcashcami

¹⁸ Maijancunaca imata rimashpaca espadahuan chugrichic shinami rimancuna. Ashtahuanpish yachaisapa runapac rimaica jambi shinami.

PROVERBIOS 12:18 Referans Kwoze

PROVERBIOS 16:24

Sumacta rimashcaca bunga mishqui shinami. Almatapish cushichic, cuerpopacpish jambic shinami.

PROVERBIOS 15:4

Sumacta rimac calluca causaita cuc yura shinami. Ashtahuanpish millaita rimacca shunguta paquinmi.

SALMOS 57:4

Ñucaca leoncunapac chaupipi shina, ninata shimiman shitac shina gentecunapac chaupipimi cani. Paicunapac quirucunaca lanzacuna shina, flechacuna shinami. Paicunapac calluca filosapa espada shinami.

SALMOS 52:2

Cambac calluca punzhantami llaquichin. Llullangapacca navaja mulashca shinami.

DANIEL 11:33

Chai llactapi alli yachaccunapish tauca gentecunatami allita yachachinga. Shina cashpapish maijan punzhacunatami espadahuan llaquichishca, rupachishca, prezushca, tucui imata quichushca llaquihuan cangacuna.

PROVERBIOS 25:18

Maijanta yanga juchanchishpa huillac runaca martillo, espada, flecha shinami.

PROVERBIOS 15:7

Yuyaisapa runacunapac rimashcaca alli yachaitami tarpun. Mana entendic runapac shunguca mana chashna ruhuanchu.

PROVERBIOS 13:17

Mana alli huillac runaca llaquitami apamun. Ashtahuanpish cashcata huillac runaca jambic shina cushicuitami apamun.

PROVERBIOS 4:22

Cai alli yachaita chasquiccunamanca causaitami cun. Shinallatac cambac tucui cuerpopac jambimi can.

SALMOS 64:3

Paicunapac callucunataca filo espadata shinami allichincuna. Arcota shitac shinami jayac shimicunata parlancuna.

APOCALIPSIS 22:2

Chai pueblopi tiyac jatun ñan chaupita callpacuc yacu ishcai ladopimi, causaita cuc yuraca carca. Chai yuraca quillanta pucushpami, huatapica chunga ishcai cutin pucun. Shinallatac pangacunapish gentecunata jambingapac allimi can.

APOCALIPSIS 1:16

Paipac alli maquipica canchis lucerocunatami charicurca. Paipac shimimantaca ishcai filoyuc puntasapa espadami llucshicurca. Shinallatac paipac ñahuica inti tucuita achicyachicuc shinami carca.

SALMOS 59:7

Paicunaca: «Ñucanchictaca pi mana uyangachu» nincunami. Chai shimicunaca espada shinami.

PROVERBIOS 12:17

Mana llullac runaca cashcatami huillan. Ashtahuanpish llullashpa huillacca umashpami parlan.

SALMOS 57:5

¡Dioslla, cantaca jahua pachapi jatunyachishca cachun! ¡Can sumaimana cashcataca tucui cai pachapi ricsishca cachun!