PROVERBIOS 12:13 - Dios Rimashcata Quillcashcami

¹³ Millai runaca, paipac shimi rimashcallahuantacmi huataric shina saquirin. Ashtahuanpish cashcata ruhuacca llaquipi cashpapish llucshinmi.

PROVERBIOS 12:13 Referans Kwoze

PROVERBIOS 21:23

Imatapish rimarinamanta calluta jarcaric runaca paipac causai ama llaquita apachunmi cuidan.

PROVERBIOS 11:8

Cashcata ruhuac runataca jatun llaquimantapish quishpichingami. Ashtahuanpish Diosta mana manchac runataca yalli llaquimi tucuchinga.

SALMOS 64:8

Paicunapac rimashcallatacmi llaquipi churanga. Chaita tucui ricuccunaca umata cuyuchishpami burlancuna.

DANIEL 6:24

Chai quipaca jatun mandacca Danielta juchanchic mandaccunata apamuchunmi mandarca. Chashna apamucpimi, paicunataca huarmindi, huahuacunandi leoncuna causana jutcupi shitarca. Paicuna manarac chai jutcu pambaman chayacpimi, japishpa tullucunata polvoshpa micurca.

PROVERBIOS 6:2

Chaita ruhuashca cashpaca, cambac shimillahuantacmi pandarishcangui. Cambac rimashcallahuantacmi, tucllapi japi tucushca shina saquiringui.

2 PEDRO 2:9

Mandac Diosca paipaclla causaccunataca imapish llaquicunamanta quishpichinmi. Millai gentecunataca pai taripashpa, llaquichina punzhacamanmi huacaichishpa charicun.

ECLESIASTÉS 7:18

Caita chariranaca allimi. Caishuctapish cambac maquimantaca, ama cacharinguichu. Diosta manchac runaca tucuipimi alli llucshinga.

SAN MATEO 27:25

Shina nicpimi paicunaca: —Ari, pai huañushcamanta ñucanchicmi juchayuc cashun— nircacuna.

PROVERBIOS 15:2

Yuyaisapacunapac rimashcaca alli yachaicunatami riman. Ashtahuanpish yuyai illac runaca manapish canatami rimarin.

SALMOS 34:19

Cashcata ruhuactaca achca llaquimi japin. Shina cacpipish, Mandac Diosmi tucui llaquimanta llucchinga.

SALMOS 5:6

Llullashpa parlaccunatapish, huañuchiccunatapish, umaccunatapish chingachinguimi. Mandac Dioslla, chai gentecunataca millanayachinguimi.

1 REYES 2:23

Shina nishpami, jatun mandac Salomonca, Mandac Diospac ñaupapi ari nishpaca: «Adoniasca paillatac huañungapacmi cai shimicunata nishca. Paita mana huañuchicpica, Dios yallita llaquichichun.

2 SAMUEL 4:9

Shina nicpipish, Davidca Beerot pueblomanta Rimonpac churi Recabtapish, Baanatapish rimashpaca: —¡Mandac Diospac shutipimi nini: Ñucataca tucui llaquimanta quishpichishcami!

GÉNESIS 48:16

ñucata mana allimanta cuidac ángel cai huambracunataca bendiciachun. Paicunamanta ñuca shutitapish, taita Abrahampac, Isaacpac shutitapish huiñaita yuyarichun. Achca huahuayuc tucushpa, cai allpapi jundarichun» nircami.

SALMOS 59:12

Paicunapac shimihuan juchallishcamanta, paicunapac shimihuan llaquichishcamanta, paicuna jatun tucushpa rimashcamanta, llaqui tucuchun nishcamanta, llullashpa rimashcamantaca prezushca cachun.

PROVERBIOS 18:21

Causanapish, huañunapish callupimi tiyan. Imatapish rimanata munac runaca chaillatatacmi japinga.

SALMOS 34:20

Paitaca shuc tullullapish paquirichunca mana saquingachu.

SALMOS 59:13

Piñarishpa tucuchiyari. Paicuna ama ashtahuan ricurichun chingachiyari. Chashna ruhuacpimi, can Diosca Jacobopac huahuacunamanta callarishpa tucui cai pachata mandacushcata yachangacuna.

PROVERBIOS 10:8

Yuyaisapacunami mandashcacunata shungupi chasquin. Ashtahuanpish millaita rimac shimica chingaringami.