6 Allita ruhuaccunataca cashcata ruhuashcallatacmi quishpichinga. Ashtahuanpish juchata ruhuaccunaca chai juchallapitacmi japi tucushpa chingaringa.
Jutcuta ruhuacca chai jutcullapitacmi urmanga. Pircata urmachictaca culebrami caninga.
Diosta mana manchactaca pai mana allita ruhuashcacunallatacmi llaquichinga. Pai ruhuashca juchallatacmi tuclla shina japishpa urmachinga.
Cutinllatac jatun mandac, Simeita rimashpaca: «Ñuca taita Davidta piñashpa, tucui mana allita ruhuashpa can llaquichishcataca, allimi yachangui. Mandac Diosca chai llaquillatatacmi canmanpish tigrachigrin.
Tucui ñuca imalla charishcacunapi mashcashpapish, ¿imatatac cambac cashcataca tarircangui? ¡Imata tarishpaca, cai cambac familiacunapac, ñuca familiacunapac ñaupapi churai! Paicunami ñucanchic imata ruhuacushcataca ricunga.
Ñuca servishcamanta mashnata pagana cashcata caya mincha cungapac shamushpami, ñucataca cashcata ruhuac cashcata yachangui. Ñuca manada ovejapi yana, muru ovejacuna, mana shuyu chivocuna cacpica, ñucataca mana shuhuac cashcatami yuyangui— nirca.
Chaita ricushpami, israelcunaca Benjamín aillucunahuan macanacungapac cutirca. Chaimantami Benjamín aillucunaca paicunata llaqui japicushcata yachac chayashpa manchai callarirca.
Shuctac llactapi causaccunaca paicunallatac ruhuashca jutcupimi urmarcacuna. Paicunallatac pacalla churashca tucllapimi paicunapac chaquicunaca churarirca.
Mishqui shimi jayac shungu runaca pai rimashcahuanmi, shuctac runata llaquichin. Ashtahuanpish cashcata ruhuaccunaca allita yachac cashpami quishpirincuna.