PROVERBIOS 11:31 - Dios Rimashcata Quillcashcami

³¹ Cashcata ruhuac runaca cai pachapi pai japinata japingami. Shina cacpica, ¡Diosta mana manchac juchayuc runaca llaquitaca japingatacmi!

PROVERBIOS 11:31 Referans Kwoze

JEREMÍAS 25:29

Chaica, ñuca shutita mañac llactataracmi llaquichi callarircani. Cancunaca chai llaquimanta, ¿quishpirishunmi yuyanguichicchu? ¡Cai llaquimantaca mana quishpiri pudinguichicchu! Tucui cai pachapi causaccunatami jatun macanacuita cachashpa llaquichigrini” ninmi. Chaitaca tucuita Mandac Dios ñucami nini.

PROVERBIOS 13:21

Juchayuccunataca llaquimi catiranga. Ashtahuanpish cashcata ruhuaccunaca imapish allicunatami japinga.

1 REYES 13:24

Shina parejacpica, burropi montashpa ñanta ricucpimi, shuc león ñanpi tupashpa huañuchirca. Ña huañucpica, chaupi ñanpimi paipac cuerpoca siricurca, burropish, leonpish chai huañushca ladopimi shayacurca.

2 SAMUEL 22:21

Mandac Diosca, ñuca cashcata ruhuashca shinallatacmi allita curca. Ñuca maquihuan ima millaita mana ruhuashcamantami, allita cutichirca.

2 SAMUEL 22:25

Mandac Diosca ñuca cashcata ruhuashca shinallatacmi curca. Paipac ñaupapi allita ruhuashca shinallatacmi allita ruhuarca.

PROVERBIOS 12:1

Yachachishcata uyac runaca alli yachaitami cuyan. Ashtahuanpish cunashcata mana uyacca imatapish mana yachacmi.

PROVERBIOS 26:10

Yuyai illac yanga puric runacunata cullquimanta trabajachic runaca, flechata cacharishpa tucui mashnata chugrichic shinami.

ISAÍAS 3:11

¡Aij, Diosta mana manchac runalla! Yalli llaquimi tucunga. Paicunapac maquihuan mana allita ruhuashca shinallatacmi mana allita japinga.

ISAÍAS 13:11

Mandac Diosca: «Cai pachapi causaccunataca millaita ruhuashcamantami llaquichisha. Ñucata mana manchaccunataca paicunallatac mana allita ruhuashcamantami tucuchisha. Jatun tucushpa puriccunatapish tucuchishami. Cariyashpa sinchi tucushpa puriccunatapish cumurichishami.

EZEQUIEL 44:10

Israelcuna ruhuashcalla dioscunata adorangapac ñucamanta caruyacta ricushpaca, levitacunapish ñucamanta caruyarcami. Chaimantami paicunapish llaqui tucunga.

OSEAS 4:9

Gentecunapish, curacunapish chashnallatacmi can. Paicuna ima shina ruhuashpa causashca shinallatacmi llaquichisha.