PROVERBIOS 11:28 - Dios Rimashcata Quillcashcami

²⁸ Maijanpish pai charishcallapi shunguta churacca chaquic shinami urmanga. Ashtahuanpish cashcata ruhuacca verdinlla ramacunayuc yura shinami canga.

PROVERBIOS 11:28 Referans Kwoze

1 TIMOTEO 6:17

Cai pachapi achcata chariccunataca: “Ama jatun tucushpa, chingarinalla charishcapi ama shunguta churangui” nishpa rimangui. Chaipac randica, ñucanchicman imallatapish atic aticta cushpa cushichic Diospi shunguta churachun ningui.

JEREMÍAS 17:8

Paica yacu ladopi huiñashca, callpacuc yacu ladoman sapiyashca yura shinami canga. Usyai huatacunapipish, mana anguyashpami, punzhanta pucucungalla.

SALMOS 1:3

Yacu patapi huiñashca yura pangacunapish mana urmashpa pucuna punzhapi pucuc shinami canga. Tucui imata ruhuashcapish allimi canga.

SALMOS 62:10

Ama imata quichuna, shuhuana yuyailla caichicchu. Imata yallita charishpapish ama chai charishcapi shunguta churaichicchu.

ISAÍAS 60:21

Tucui gentecunami cashcata ruhuaccuna canga. Llactataca huiñaita causangapacmi japingacuna. Paicunaca ñuca tarpushca yura sapimanta huiñashca yura shinami canga. Ñucata alli ningapacca ñuca maquihuan ruhuashca chagra shinami canga.

PROVERBIOS 10:15

Chayuc runapac charishcacunaca jatun pircayuc pueblo shinami. Ashtahuanpish huaccha runataca huaccha causaimi llaquichin.

SALMOS 49:6

Ima charishcahuan cushicuccunaca paicuna yallita charishcahuanmi jatun tucuncuna.

SAN LUCAS 12:20

Ashtahuanpish Diosca: “Yuyai illac runa, cunan tutallatacmi huañungui. Cai tucui huacaichishcacunaca, ¿pipactac canga?” nirca.