PROVERBIOS 11:20 - Dios Rimashcata Quillcashcami

²⁰ Mandac Diosca mana alli shungu runataca millanayachinmi. Ashtahuanpish allita ruhuashpa causac runahuanca cushicunmi.

PROVERBIOS 11:20 Referans Kwoze

SALMOS 119:1

Mandac Dios mandashcacunata cazushpa, ima millaitapish mana ruhuashpa causaccunaca maimi cushicun.

1 CRÓNICAS 29:17

Ñuca Dioslla, ñucanchic shungu imalaya cashcata yachashpami cashcata ruhuaccunataca alli ningui. Chaimantami tucui shunguhuan, tucui munaihuan tucui caicunataca curcani. Cunanca caipi tandanacushca can acllashcacunapish, cushicuihuan canman cuctami ricuni.

PROVERBIOS 21:29

Diosta mana manchac runaca imatapish allita ruhuashca shinami purin. Ashtahuanpish allita ruhuac runaca paipac causaipica allimi can.

PROVERBIOS 6:14

Paipac shungupica mana allita ruhuana yuyaimi tiyan. Tucui causaipimi ima llaquita ruhuanallata, piñanacuipi churanallata yuyarishpa purin.

PROVERBIOS 16:17

Allita ruhuashpa causaccunaca mana allimanta anchurinmi. Mana allita ruhuanamanta cuidariccunaca causaitami cuidancuna.

PROVERBIOS 15:8

Mandac Diosca paita mana manchaccuna animalta cushpa rupachishcataca millanayachinmi. Ashtahuanpish allita ruhuaccuna mañacpica cushicunmi.

PROVERBIOS 13:6

Cashcata ruhuac runataca chai cashcata ruhuashcallatacmi cuidan. Ashtahuanpish juchayuc runataca chai juchallatacmi urmachin.

PROVERBIOS 12:22

Llulla shimicunataca Mandac Diosca mana ricunayachinchu. Ashtahuanpish mana llullac runacunahuanmi cushicun.

PROVERBIOS 9:7

Burlashpa asic runata cunashpa rimacca pingaipimi taririn. Diosta mana manchac runata jarcashpa rimacca shucpac rimanami tucun.

PROVERBIOS 8:13

Mandac Diosta manchaccunaca mana allita ruhuaccunata piñanmi. Jatun tucunatapish, yallita jatun tucunatapish mana alliman apac ñantapish mana munanichu.

SALMOS 140:13

Cashcata ruhuaccunami cantaca pagui ningacuna. Allita ruhuaccunallami cambac ñaupapica causangacuna.

SALMOS 51:6

Canca imatapish cashcata nictami cuyangui. Pacallami ñuca shungupi allita yachachishcangui.

SALMOS 11:7

Mandac Diosca cashcata ruhuac cashcamantami imatapish cashcallata ruhuachun munan. Paipac ñahuitaca cashcata ruhuaccunallami ricunga.

SALMOS 101:4

Mana alli shungu runaca ñucamanta anchuringami. Millaita ruhuac runataca ricsinatapish mana ricsishachu.

PROVERBIOS 3:32

Mandac Diosca millaita ruhuac runataca millanayachinmi. Ashtahuanpish cashcata ruhuac runahuanca tandarishpami causan.

PROVERBIOS 11:21

Mana allita ruhuac runaca llaquichishcatacmi canga. Ashtahuanpish cashcata ruhuac runaca huahua huahuacamanmi quishpichishca canga.

PROVERBIOS 14:9

Yuyai illac runacunaca ima mana allita ruhuashpami asincuna. Ashtahuanpish allita ruhuaccunapurapica alli ruhuanatami munancuna.

PROVERBIOS 15:26

Millai runacuna yuyarishcataca Mandac Diosca millanayachinmi. Ashtahuanpish alli shunguhuan rimashcataca alli ninmi.