PROVERBIOS 11:12 - Dios Rimashcata Quillcashcami

¹² Mana entendic runaca shuctac runataca mana ricusha ninchu. Ashtahuanpish alli entendic runaca ima cacpipish upallami can.

PROVERBIOS 11:12 Referans Kwoze

1 PEDRO 2:23

Paita camicpipish, paica mana camircachu. Llaquichicpipish, paica mana llaquichircachu. Chaipac randica cashcata ricushpa, taripac Diosllatac llaquichichunmi saquirca.

PROVERBIOS 10:19

Yallita rimaric runaca yallitami pandarin. Ashtahuanpish jarcarishpa rimacca alli yuyaiyucmi.

SAN LUCAS 18:9

“Allicunami canchic” nirishpa, shuccunata mana valichishpa puriccunaman Jesús chimbapurashca parlohuan parlashpaca:

SAN LUCAS 16:14

Cullquita charina yuyailla cac fariseocunaca tucui chaicunata uyashpaca, Jesusta burlarcami.

PROVERBIOS 14:21

Maijanpish shuccunata piñacca juchallinmi. Ashtahuanpish huacchacunata llaquicca yallitami cushicun.

2 REYES 18:36

Chashna nicucpipish, gentecunaca imata mana nishpa upalla uyacurcacunallami. Jatun mandac Ezequiasmi paicunataca: «Imatapish ama rimanguichicchu» nishca carca.

1 SAMUEL 10:27

Ashtahuanpish mana alli shunguyuc runacunaca: «¿Ima shinatac ñucanchictaca llaquimanta llucchinga?» nishpami, yangapi churashpa imata cungapacpish mana apamurca. Ashtahuanpish Saulca mana uyac tucushpa rircallami.

JUECES 9:38

Shina nicpimi Zebulca: —¡Cunan sarun cari tucushpa nicushcataca niyari! Sarunca: “¿Ñucanchic servingapac Abimelecca pitacyari?” nircanguimi. ¿Manachu: “Cai gentecuna mana imachu” nicurcangui? ¡Cunanca chai soldadocunahuan macanacungapac llucshiyari!— nirca.

PROVERBIOS 6:32

Ashtahuanpish shucpac huarmihuan chayarinacucca alli yuyaitaca mana charinchu. Chaita ruhuashpaca paipac causaitami chingachin.

PROVERBIOS 11:11

Allita ruhuaccunata bendiciacpimi, puebloca alli nishca canga. Ashtahuanpish Diosta mana manchaccuna rimashcaca llaquichishpami tucuchin.

PROVERBIOS 11:13

Rimarishpalla puric runaca mana parlana cashcatapish parlanllami. Ashtahuanpish alli runaca paipac shungullapimi tucuita pacalla charin.