PROVERBIOS 10:7 - Dios Rimashcata Quillcashcami

⁷ Cashcata ruhuac runapac shutica yuyarishcami canga, ashtahuanpish Diosta mana manchaccunapac shutica ismuc shinami chingaringa.

PROVERBIOS 10:7 Referans Kwoze

SALMOS 112:6

Chaimantami paica manatac urmanga. Cashcata ruhuac runataca huiñaitami yuyaringacuna.

SAN LUCAS 1:48

Diosca huaccha servic huarmitami acllashca. Cunanmanta pachami huahua huahuacuna ñucataca ‘allimari cangui’ nicunga.

MARCOS 14:9

Tucui cai pachapi maipipish alli huillaita huillacushpaca, cai huarmi ruhuashcatapish huillangami. Chashnami paita yuyaringa. Chaica chashnatacmi canga— nirca.

SALMOS 109:13

Paipac huahua huahuacunapish tucui tucuchishca cachun.

2 CRÓNICAS 24:16

Pai huañucpica, Davidpac pueblopimi jatun mandaccunata enterrashca ladopi enterrarca. Paitaca israelcunamanpish, Mandac Diosmanpish, Diospac huasipipish allita ruhuashcamantami chaipi enterrarca.

SALMOS 109:15

Chai juchacunaca tucui causaipi Mandac Diospac ñaupapi ricurichun. Cai pachapi ama ashtahuan yuyarichunca Diosllatac tucuchichun.

JOB 18:17

Paica cai pachapica chingarishcami canga. Paipac shutipish cai llactapica cungarishcami canga.

2 REYES 19:34

Ñucami cai pueblotaca cuidashpa quishpichisha. Ñuca shutita ricsichingapac, ñucata servic Davidta cuyashcamantami chashnaca ruhuasha” ninmi» nishpa cacharca.

1 REYES 11:36

Salomonpac churi mandachunca shuc aillullatami cusha. Ñucata servic Davidpac huahua huahuacunataca lámpara shina mana huañuc punzhanta cachunmi Jerusalenpi mandachun saquigrini. Chai pueblotaca ñuca shutipi mañachunmi acllarcani.

ECLESIASTÉS 8:10

Shinallatac Diospaclla huasipi llucshishpa, yaicushpa puric mana allita ruhuaccuna huañucpi, alli nishpa enterrarictami ricurcani. Paicuna mana allita ruhuashpa causacushca pueblopimi chashna ruhuacurca. Chaipish yangallami.

JOB 27:23

Maquita huactashpa cushicuc shinami huairaca llaquichinga. Silbashpa burlac shinami pai tiyacushcamanta apanga.

JEREMÍAS 17:13

Israelcuna shunguta churana Mandac Dioslla, tucui canta cungariccunaca pingaichishcami canga. Yacu llucshicuc shina, causaita cuc Mandac Diosmanta anchuriccunaca ñuto allpapi quillcashca shinami canga.

2 CRÓNICAS 32:33

Ezequías huañushpa paipac ñaupa taitacunahuan tandanacugricpica, Judá llactapi tucui causaccunapish, Jerusalenpi tucui causaccunapish paita alli nishpami, Davidpac huahua huahuacunata enterrana jutcumanta ashtahuan alli jutcupi enterrarca. Paipac randica paipac churi Manasesmi mandarca.

JOB 24:20

Paicunataca mamapish cungaringami. Curucunami paitaca mishquilliringa. Jaicapi mana yuyaringacunachu. Pitishca yura shinami mana cazuccunaca tucuringa.

SALMOS 34:16

Mandac Diosca millaita ruhuaccunataca piñanmi. Paicunapac shuticunata pipish ama yuyarichunmi cai pachamanta chingachin.

PROVERBIOS 22:1

Alli nishca canami jatun charic canatapish, ashtahuan yalli alli. Tucuipac cuyashca canami cullquitapish, curitapish ashtahuan yalli alli.

ISAÍAS 14:22

Tucuita Mandac Diosca: «Ñuca jatarishpami Babiloniataca chingachisha. Maijan huahuacunapacpish, nietocunapacpish shuti ama ashtahuan tiyachunmi tucuchisha.

SALMOS 34:17

Cashcata ruhuaccuna caparishpa Mandac Diosta mañacpica, paica uyashpa tucui llaquimanta llucchircami.

SALMOS 41:5

Ñucata piñaccunaca: «Cai runaca, ¿ima horastac huañushpa, chingaringayari?» nincunami.