PROVERBIOS 10:28 - Dios Rimashcata Quillcashcami

²⁸ Cashcata ruhuaccunapac shuyanaca cushicunami canga. Diosta mana manchaccunapac shuyanaca chingarinallami canga.

PROVERBIOS 10:28 Referans Kwoze

ROMANOS 15:13

Diospac Espíritu crishpa, shuyana yuyaita yallita charichun, Diosllatac cushichishpa, crishpa cushi causaita cuchun. Diosca shuyana yuyaita cucmi.

JOB 8:13

Chashnallatacmi Diosta tucui mana cazuccunaca tucun. Shinallatacmi Diosta mana manchaccuna imata shuyacushcaca chingarin.

PROVERBIOS 11:7

Diosta mana manchac runa huañucpica, pai shuyacushcapish, yuyaricushcapish tucuringami.

2 TESALONICENSES 2:16

Ñucanchicta cuyac Diosllatac, shinallatac pai cuyashcallamanta huiñai huiñaita cushi canatapish, cushicushpa shuyanatapish cuc ñucanchic Apunchic Jesucristollatac

ROMANOS 12:12

Apunchic Jesusta shuyacushpaca, cushicushpa causaichic. Apunchic Jesusmanta llaquita apacushpaca, ama piñarichicchu. Diosta mañanataca ama saquichicchu.

ROMANOS 5:2

Shinallatac Apunchic Jesucristota crishcallamantami Dios cuyashca, cushilla causacunchic. Shinami Diospac sumaimana mandanata cushicushpa shuyacunchic.

PROVERBIOS 14:32

Diosta mana manchacca pai millaita ruhuashcamantami chingaringa. Ashtahuanpish cashcata ruhuacca huañugricushpapish cuidashcami canga.

SALMOS 112:10

Diosta mana manchac runa chaita ricushpaca yallitami piñaringa. Paipac shungupi nanarishpami quirucuna caniringa. Diosta mana manchaccunapac yuyaica chingaringami.

JOB 11:20

Ashtahuanpish millaita ruhuaccunaca chingaringami. Paicunaca maipi mana miticui pudingachu. Paicuna imata shuyacushcapish, tucuri samai shinami canga» nirca.

SALMOS 16:9

Chaimantami ñuca shunguhuan, ñuca almahuan paimanta cushicuni. Ñuca cuerpopish imata mana manchashpami samaringa.

PROVERBIOS 11:23

Cashcata ruhuaccunaca allillata ruhuanatami munancuna. Ashtahuanpish Diosta mana manchaccunaca, piñanacuillatami shuyancuna.

SALMOS 68:4

¡Diosta cantaichic! ¡Paipac shutita salmocunahuan cantaichic! ¡Caballopi montashpa puyu jahuata puricta jatunyachichic! ¡Paipac shutica Mandac Diosmi! ¡Paipac ñaupapi cushicuichic!

PROVERBIOS 29:6

Millaita ruhuac runaca pai ruhuashca millaillapitacmi tucllapi shina urman. Ashtahuanpish cashcata ruhuac runaca cushicushpami cantan.