PROVERBIOS 10:12 - Dios Rimashcata Quillcashcami

¹² Piñanacuica macanacuipimi churan. Ashtahuanpish cuyaica mana allita ruhuashcata pacanmi.

PROVERBIOS 10:12 Referans Kwoze

1 PEDRO 4:8

Tucuimanta yallica caishuc chaishuc cuyanacuichic. Chashna cuyanacushpaca, achca juchacunatami perdonanguichic.

PROVERBIOS 17:9

Mana allita ruhuashcata pimanpish mana parlacca tucuihuanmi apanacun. Pimanpish parlashpa puric runaca paihuan apanacunatapish caruyachinmi.

PROVERBIOS 15:18

Utca piñaric runaca piñanacuillapimi churan. Ashtahuanpish mana utca piñaric runaca piñanacuita allichinmi.

SANTIAGO 5:20

chai pandarishpa causacuc juchayuc almata huañuimanta quishpichinmi. Shinallatac Diosca achca juchacunatapish perdonangami. Chaitaca yuyarinami canguichic.

SANTIAGO 4:1

Cancunapuraca, ¿ima nishpatac macanacunguichic, piñanacunguichic? Cancunapac shungupi millai munaicuna tiyashpa, caita chaita yuyachicucpimi, chashnaca ruhuanguichic.

PROVERBIOS 28:25

Chayucyanallata munac runaca piñanacuillapimi churan. Ashtahuanpish Mandac Diosta yuyarishpa causac runaca imapipish allimi causanga.

PROVERBIOS 16:27

Mana allita ruhuac runaca mana allita ruhuanallatami yuyan. Paipac shimimantaca rupacuc nina shinami llucshicun.

PROVERBIOS 29:22

Jahualla piñaric runaca piñanacuillapimi churan. Yallita piñaric runaca yalli juchacunatami ruhuan.

PROVERBIOS 30:33

Maijanpish lecheta yallita cuyuchishpaca mantequillatami llucchin. Singata yallita quic nishpaca yahuartami llucchin. Pihuanpish yallita piñarishpaca, piñanacuipimi churan.