PROVERBIOS 10:11 - Dios Rimashcata Quillcashcami

¹¹ Cashcata ruhuac runapac rimashcaca causaita cuc yacu shinami. Ashtahuanpish Diosta mana manchaccunapac rimashcaca macanacuipimi churan.

PROVERBIOS 10:11 Referans Kwoze

PROVERBIOS 13:14

Yachaisapa yachachishcaca causaita cuc yacu shinami. Chai yachachishcacunaca huañuna tucllamanta quishpichinmi.

PROVERBIOS 10:6

Cashcata ruhuac runaca bendiciashcami canga. Ashtahuanpish Diosta mana manchaccunataca millaita ruhuashcallatacmi shimita tapanga.

PROVERBIOS 18:4

Runapac rimashcaca ucumanta llucchishca yacu shinami. Alli yachaica tucyac yacu callpacuc shinami.

EFESIOS 4:29

Imapish mana alli rimaicunata ama rimashpa, ashtahuanpish yuyaita cuc rimaicunallatac rimaichic. Chashna rimacta uyashpami, shuccunapish yuyaita japingacuna.

PROVERBIOS 20:15

Curipish, sumac achic nicuc rumicunapish achcami tiyan. Shina cacpipish, alli yachaccunapac rimashcami chaicunamanta yalli valin.

PROVERBIOS 15:7

Yuyaisapa runacunapac rimashcaca alli yachaitami tarpun. Mana entendic runapac shunguca mana chashna ruhuanchu.

PROVERBIOS 10:32

Cashcata ruhuacca cushicuna rimaicunatami riman. Ashtahuanpish Diosta mana manchaccunaca millaillatami riman.

SALMOS 107:42

Allita ruhuaccuna chaita ricushpa cushicuichicyari. Ashtahuanpish mapata tucui ruhuaccunaca upallachishcami canga.

PROVERBIOS 15:4

Sumacta rimac calluca causaita cuc yura shinami. Ashtahuanpish millaita rimacca shunguta paquinmi.