PROVERBIOS 10:1 - Dios Rimashcata Quillcashcami

¹ Cai yuyaita cuc rimaicunaca Salomón quillcashcami. Yuyaisapa churica taitata cushichinmi. Ashtahuanpish mana entendic churica mamata llaquichinmi.

PROVERBIOS 10:1 Referans Kwoze

PROVERBIOS 1:1

Cai yuyaita cuc rimaicunaca, Davidpac churi israelcunata jatun mandac Salomón quillcashcami.

PROVERBIOS 29:3

Alli yachacunata munac runaca paipac taitata cushichinmi. Ashtahuanpish cullquimanta huainayac huarmihuan puricca tucui charishcatami yanga tucuchin.

PROVERBIOS 17:25

Yuyai illac churica taitata piñachinmi. Paita charic mamatapish huacachinmi.

PROVERBIOS 29:15

Varahuan macashpa yachachicpimi, huahuaca allita yachacunga. Ashtahuanpish imata ruhuachun saquicllapica mamatami pingaichinga.

PROVERBIOS 15:20

Yachaisapa churica paipac taitata cushichinmi. Ashtahuanpish yuyai illac runaca paipac mamatami yangapi churan.

PROVERBIOS 17:21

Shuc taitaca paipac llaquipacmi yuyai illac churita charin. Yuyai illac churipac taitaca mana cushicuita charinchu.

PROVERBIOS 19:13

Yuyai illac churica taitata llaquichishpallami causan. Caparishpa rimaricuc huarmica catipi shutucuc tamya shinami can.

ECLESIASTÉS 12:9

Huillac runaca ashtahuan yachacushpaca ashtahuanmi gentecunata yachachirca. Shinallatac allita uyashpa ima shina cashcata ricushpami tauca yuyachic rimaicunata quillcarca.

ECLESIASTÉS 2:19

Chai mandac alli yachac cactapish, mana cashpaca yuyai illac cactapish, ¿pitac yachan? Shina cashpapish alli yachaihuan inti achicyachicuc cai pachapi imatapish yallita ñuca ruhuashcataca japingami. Chaicunapish yangallami.

PROVERBIOS 25:1

Cai yuyaita cuc rimaicunapish Salomón quillcashcallatacmi. Cai rimashcacunaca Judá llactata jatun mandac Ezequiaspac quillcaccuna copiashcami.

1 REYES 4:32

Salomonca quimsa huaranga sumac rimaicunata shinallatac pichca huaranga cantocunatami quillcarca.

PROVERBIOS 13:1

Yachaisapa churica taita cunashcataca chasquinmi. Ashtahuanpish burlac churica cunashcata manatac uyanchu.

PROVERBIOS 27:11

Ñuca huahualla, yachaisapa tucushpa ñuca shunguta cushichiyari. Shina cacpimi ñucata piñaccunamanca rimashpa cutichi pudisha.

PROVERBIOS 29:17

Cambac churita alli yachachicpica, cantaca samachingami. Shinallatac cambac causaipipish cushichingami.