PROVERBIOS 1:5 - Dios Rimashcata Quillcashcami

⁵ Yachaisapa runa uyashpaca, ashtahuanmi yachacunga. Alli yuyaiyuc runapish, alli yuyaita cushcataca chasquingami.

PROVERBIOS 1:5 Referans Kwoze

PROVERBIOS 12:1

Yachachishcata uyac runaca alli yachaitami cuyan. Ashtahuanpish cunashcata mana uyacca imatapish mana yachacmi.

PROVERBIOS 9:9

Yachaisapa runaman yuyaita cungui. Paica ashtahuan yuyaisapami tucunga. Cashcatatac ruhuac runata yachachi. Paica ashtahuan yachacmi tucunga.

1 CORINTIOS 10:15

Yachaccunaman shinami rimani. Ñuca nishcataca cancunallatac yuyarichic.

JOB 34:16

Can allita entendishpaca caita uyashpa ñuca rimashcata allita yuyari.

JOB 34:10

Chaimanta alli yuyaita chariccuna caita alli uyaichic. ¡Mana allita ruhuana munaica Diosmanta carupi cachun! ¡Millaita ruhuanapish tucuita ruhuac Diosmanta carupi cachun!

JOB 34:34

Alli yuyaiyuc gentecunapish, ñucata uyacuc yachaisapa runapish, ñucataca:

2 CRÓNICAS 25:16

Dios ima nishcata huillac shina nicpica, jatun mandacca: —Jatun mandacman alli yuyaita cuchunca, ¿pitac cantaca churarcayari? Canta ama huañuchichunca upalla cai— nirca. Shina nicpimi, cutinllatac Dios ima nishcata huillac runaca: —Alli yuyaita ñuca cushcata mana uyashpa mana allita ruhuashcamantami, Mandac Diosca canta tucuchinata yuyarirca— nirca.

PROVERBIOS 14:6

Mana cazushpa asic runaca alli yachaita mashcashpapish mana tarinchu. Ashtahuanpish allita yachac runamanca yachacunaca jahuallami.

ECLESIASTÉS 9:11

Inti achicyachicuc cai pachapica caitapish ricurcanimi: Jatun callpaipica mana sinchi callpaccunachu mishan. Macanacuipipish mana sinchicunachu mishan. Micunatapish mana yachaccunallachu micun. Mana yuyaisapacunallachu chayucyan. Mana allita rimaccunallachu alli nishca can. Ashtahuanpish tucuimanmi alli punzhapish, mana alli punzhapish shamun.

DEUTERONOMIO 4:6

Cai mandashcacunata cazunguichic. Chashna cazushpa causashpami cancunaca alli yuyaiyuccuna, alli yachaccuna canguichic. Chashna cacpimi, cai pachapi causaccunaca: “¡Cai gentecunaca alli yachac, alli yuyaiyuccunami!” ninga.

JOB 34:2

«Alli yachaccunapish, alli yuyaita chariccunapish ñuca rimashcata alli uyaichic.

PROVERBIOS 8:33

Ñuca rimashcacunata uyashpa, alli yachaisapa caichic. Chaitaca ama yangapi churaichicchu.

PROVERBIOS 9:8

Burlashpa rimaric runataca ama jarcashpa rimaichu. Paica piñaringami. Chaipac randica yuyaisapa runata alli tucuchun rimai. Paica canta cuyangami.

PROVERBIOS 18:15

Alli yuyaita charic runapac shunguca alli yachaitami japin. Yachaisapacunapac ringrica alli yachaitami uyanata munan.

PROVERBIOS 19:25

Burlashpa asic runata macacpica, mana yachac runapish cazunata yachacungami. Yuyaisapa runata alli tucuchun rimacpica, ashtahuanmi yuyaita japin.

PROVERBIOS 21:11

Burlashpa asic runata llaquichicpica, yuyaita mana charicpish, yuyaisapami tucunga. Yuyaisapa runata cunacpicarin, ashtahuan yachaisapami tucun.