PROVERBIOS 1:11 - Dios Rimashcata Quillcashcami

¹¹ Canta: “Ñucanchic-huan jacu, tucllata churashpa mana faltayuc runata, pacalla chapashpa huañuchingapac

PROVERBIOS 1:11 Referans Kwoze

JEREMÍAS 5:26

Ñuca acllashcapurapica millai gentecunami tucllata churac shina, llaquichiccuna tiyan. Runacunata japingapacca tucuilaya tucllatami churan.

PROVERBIOS 1:18

Ashtahuanpish chai runacunaca paicunallatac huañungapacmi tucllata ruhuancuna. Paicunapac llaquipacllatacmi tucllata churancuna.

PROVERBIOS 12:6

Diosta mana manchaccunaca pacalla huañuchinallatacmi parlanacuncuna. Ashtahuanpish allita ruhuaccunapac rimaica huañuimantami quishpichin.

HECHOS 25:3

Chashna juchanchishpami, Pablota Jerusalenman apamuchun mañarca. Jerusalenman Pablo shamucucpica, ñanpi chapashpa huañuchinatami paicunaca yuyarinacushca carca.

HECHOS 23:15

Cunanca, cancunaca caishuc mandaccunahuan huaranga soldadocunata mandacman Pablota ashtahuan alli tapungapac nic tucushpalla caiman apamuchun mañaichic. Ñucanchicca pai manarac chayamucpimi, huañuchingapac ñanpi chapashun— nirca.

MIQUEAS 7:2

Cai pachapica llaquicpish, cashcata ruhuacpish mana tiyanchu. Tucui runacunami huañuchinata munan. Tucui runacunami shuctac runacunata huañuchingapac tucllata churan.

JEREMÍAS 11:19

Ñucaca, ñucata huañuchinata yuyaricushcata mana yachashpami, huañuchina ucuman ric llaquilla oveja shina carcani. Piñaccuna: «Paipac shutita pipish ama ashtahuan yuyarichun, yurataca pucushca granondi pitishpa, cai pachapi causaccunapuramanta tucuchishunchic» ninacushcami carca.

PROVERBIOS 30:14

Maijan huahua huahuacunapac ñaupa quirucunaca espadata shina, cuchu quirucunaca cuchillota shinami can. Paicunaca llactapi causac huacchacunata, runacunapurapi yangalla gentecunata lambic shina tucuchingapacmi causancuna.

PROVERBIOS 1:16

Mana allita ruhuangapacca callpashpami rincuna. Huañuchishpa yahuarta jichangapacca utcami rincuna.

SALMOS 56:6

Tandanacushpa miticushpami, ñuca maita ricta chaparancuna. Japishpa huañuchingapacmi maita ricpipish catirancuna.

SALMOS 35:7

Manapish ima millaita ruhuacpimi, ñuca urmachun jutcutapish, linchitapish ruhuashpa churarcacuna. Manapish ima millaita ruhuacpimi, ñuca urmachun tucllata ruhuarcacuna.

SALMOS 17:12

León imata japingapac chapacuc shinami chapancuna. Huahua león shinami miticushpa sirincuna.

SAN JUAN 15:25

Chaica mandashpa quillcashcapi: “Manapish juchayuc cacpimi, piñarca” nishca pactachunmi, chashnaca tucurca.

PROVERBIOS 24:15

Diosta mana manchac runalla, cashcata ruhuac runapac carpataca ama shuhuac shina muyuichu. Paipac huasi ucupi ima tiyashcatapish, ama shuhuashpa apaichu.

PROVERBIOS 29:24

Shuhuac parte tucuc runaca paipac causaitami piñan. Ima shuhuashcata yachashpaca mana huillanchu.