OSEAS 9:7 - Dios Rimashcata Quillcashcami

⁷ ¡Llaquichina punzhacunami chayamun! ¡Paicuna japina punzhacunami pactamun! ¡Chaitaca israelcunami yachanga! Chaica, cancunallatac yalli juchata ruhuashcamanta, yalli millai yuyaihuan cashcamantami Dios ima nishcata huillactaca: “Yuyai illacmi” ninguichic. Cutin Diospac Espirituta charic runataca: “Locomi” ninguichic.

OSEAS 9:7 Referans Kwoze

MIQUEAS 7:4

Paicunapuramanta alli nishca runaca casha shinami. Allita ruhuac runaca zarza yura shinami. ¡Chapac runacuna huillashca shinami, llaquichina punzhapish pactamun! ¡Cunanmi musparishpa imatapish mana ruhuai pudinguichic!

2 REYES 9:11

Quipata Jehú paita mandacta serviccunapacman llucshicpi paicunaca: —¿Tucuichu alli? ¿Chai juizhu illacca imapactac cambacman shamushca?— nirca. Shina nicpi, Jehuca: —Chai runataca cancunallatac ricsinguichicmi. Pai imata nishcatapish yachanguichicmi— nirca.

MARCOS 3:21

Jesús chaipi cacpimi, paipac familiacunaca: «Yuyai illacmi tucushca» nishpa, pushangapac shamurca.

EZEQUIEL 13:3

Mandac Diosca: ¡Aij, imatapish mana ricushpa, quiquin yuyaimanta llullashpa huillac, juizhu illac huillaccunalla!

LAMENTACIONES 2:14

Huillaccunaca llullashpami, muscuipi shina ricushcata huillarca. Ama prezu apachunmi, juchata ruhuashcataca mana huillarca. Chaipac randica llullashpami, muscuipi shina ricunchic nishpa huillarca.

JEREMÍAS 10:15

Chaicunaca imapacpish mana vali burlanami. Dios llaquichicui punzhapica tucuringami.

ISAÍAS 10:3

Taripashpa llaquichina punzhapi caru llactamanta tucuchingapac shamucpica, ¿imatac tucugringuichic? ¿Pitatac ayudachun mañagringuichic? Cancuna sumaimana cashcaca, ¿imatac tucunga?

2 CORINTIOS 5:13

Yuyai illaccuna shina cashpaca, Diospacmi chashnaca canchic. Alli yuyaihuan cashpaca cancunapac allipacmi canchic.

SAN LUCAS 21:22

Chai punzhacunaca, Dios quillcachishca shina llaquichina punzhacunami canga.

MIQUEAS 2:11

Maijan llullac espirituhuan cashpaca: “Ñucaca vinopish, sidrapish tiyangami” nishpa huillacca cai llactapi causaccunapac huillacmi canga.

EZEQUIEL 13:10

Ñuca acllashcacunataca manapish cushi causai tiyacpimi: ‘¡Cushi causaimi tiyan!’ nishpa crichircanguichic. Chashna ruhuashpaca, pircata turuhuan llutac shinami ruhuanguichic.

JEREMÍAS 29:26

‘Mandac Diosmi cantaca Joyada curapac randi, paipac huasipi ricuchun, shinallatac maijan juizhu illac runa Dios ima nishcata huillac tucushpa, huillai callaricpi, caspipi chaquita canichishpa prezuchun churarca’ nicurcami.

APOCALIPSIS 16:19

Chashna tucucpica, jatun Babilonia puebloca quimsapimi chaupirirca. Cai pachapi tiyac tucui pueblocunapish tuñirircami. Chai jatun Babilonia pueblotaca jayac vinota ubiachic shina piñaihuan llaquichingapacmi, Diosca yuyarirca.

SOFONÍAS 3:4

Dios ima nishcata huillaccunaca jatun tucushca, llullashpa umaccunami. Curacunapish Diospac huasita mapayachiccunami, mandashcatapish mana cazunchu.

AMÓS 8:2

Shina ricuchishpaca: —Amós, ¿imatatac ricungui?— nirca. Shina nicpimi ñucaca: —Usyai punzhacunapi pucushca taza frutatami ricuni— nircani. Shina nicpimi, Mandac Diosca: —¡Ñuca acllashca israelcunata mana llaquishpa, tucuchina punzhami chayamun!

OSEAS 9:8

Diosca Efraín ailluta chapachunmi, pai ima nishcata huillacta churashca. Shina cacpipish, cancunaca paita urmachingapacmi tucllata churanguichic. Diospac huasipica mana ricusha ninguichicchu.

EZEQUIEL 38:23

Shina ruhuashpami, ñucaca jatun cashcata, jucha illac cashcata shuctac llactacunaman ricuchisha. Shina ruhuacpimi, ñucataca Mandac Dios cashcata yachangacuna” ninmi ningui.

EZEQUIEL 25:17

Paicunatami yallita piñarishpa, llaquichisha. Chashna yallita llaquichicpimi, ñucataca Mandac Dios cashcata yachangacuna” ninmi ningui» nirca.

JEREMÍAS 46:21

Cullquillamanta macanacuc soldadocunapish huira beci shinami. Paicunapish mana tigra ricushpami callparca. Llaquichina punzhacuna, huatacuna shamushcamantami chashna callparca.

JEREMÍAS 16:18

Paicuna mana allita ruhuashcamantaca ashtahuan yallitami llaquichisha. Paicunapac huañushca dioscunahuanmi ñuca allpataca mapayachirca. Ñuca cushca llactapimi chai millanacunata jundachirca» ninmi.

JEREMÍAS 11:23

Paicunapuramantaca shucllapish mana saquiringachu. Anatot runacunataca llaquichina punzhapica ñucallatacmi yallita llaquichisha» nirca.

JEREMÍAS 8:11

Ñuca llactapi causaccunapac chugririshcata jahuallata jambishpaca: “Cushi causaimi tiyan, cushi causaimi tiyan” nincunami. ¡Ashtahuanpish cushi causaica mana tiyanchu!

JEREMÍAS 6:14

Ñuca acllashcapac chugrita jahuallata jambishpaca: “Cushi causaimi tiyan, cushi causaimi tiyan” nishpami jambincuna. ¡Ashtahuanpish cushi causaica mana tiyanchu!

ISAÍAS 44:25

Yachaccuna ricuchishcatapish ñucami yangapi churani. Brujocunatapish ñucami muspachini. Yachac runacuna imata yachashcatapish ñucami huashaman cutichishpa, yangapi churani.

ISAÍAS 34:8

Mandac Dios llaquichina punzhami chayamushca. Sionpi causaccunata llaquichishcamantami Edom llactapi causaccunata llaquichinga.

ISAÍAS 26:11

Mandac Dioslla, llaquichingapac cambac maqui alzashca cacpipish, paicunaca mana ricunchu. Can acllashcacunata ricushpa, paicuna shina canata munashpa pingachun. Canta piñaccunata nina tucuchichun.

JEREMÍAS 23:13

Samaria llacta huillaccunataca mana allita huillacuctami ricurcani. Paicunaca Baal diospac shutipi huillashpami, ñuca acllashca israelcunataca pandachirca.

JEREMÍAS 25:14

Babilonia llactapi causaccunatapish shuctac llactacuna, jatun mandaccuna servichishpa llaquichingami. Paicuna mana allita ruhuashca shinallatac, paicunatapish llaquichisha» ninmi.

EZEQUIEL 9:10

Chaimantami paicuna millaita ruhuashca shinallatac paicunatapish llaquichisha. Manatac perdonashachu, manatac llaquishachu» nirca.

OSEAS 8:13

Ñucaman animalta cushpa huañuchishca aichatapish micurcami. Chaicunataca Mandac Dios ñucaca mana munanichu. Cunanca mana allita ruhuashcata yuyarishpami paicunapac juchamanta llaquichigrini. Paicunaca Egiptomanmi cutinga.

OSEAS 14:1

¡Israelcunalla, cancunata Mandac Diospacman cutirichicyari! ¡Cancunaca juchallishcamantami urmashcanguichic!

OSEAS 5:9

Llaquichi punzhapica Efraín ailluca llaquinayaitami chingaringa. Israelpac aillumanmi ima tucuna cashcataca mana llullashpa huillani.