OSEAS 9:6 - Dios Rimashcata Quillcashcami

⁶ Paicunaca llaquichigricucpimi rirca. Egiptopi causaccunami paicunataca chasquinga. Menfis llactapi causaccunami enterranga. Paicunapac cullqui huacaichinapica chinimi jundanga. Huasicunapica cashacunami huiñanga.

OSEAS 9:6 Referans Kwoze

OSEAS 10:8

Lomacunapi tiyac israelcuna juchallina altarcunapish tucuringami. Chai altarcuna jahuapica cardoscuna, cashacunami huiñanga. Chaimantami urcucunataca: «¡Ñucanchicta tapaiyari!» ninga. Cutin lomacunataca: «¡Ñucanchic jahuapi urmaiyari!» nishpa caparinga.

ISAÍAS 5:6

Shitashca pambatami saquigrini. Mana pucuc ramacunatapish pi mana pitingachu, pi mana jallmangachu. Ashtahuanpish cashacuna, cardos yuracunallami jundanga. Chai chagra jahuapi tamyachichunpish mana puyuta cachashachu.

OSEAS 9:3

Efraín ailluca Mandac Dios cushca llactapica mana saquiringachu. Ashtahuanpish Egiptoman, Asiria llactamanmi cutinga. Chaipimi millana micunata micunga.

OSEAS 8:13

Ñucaman animalta cushpa huañuchishca aichatapish micurcami. Chaicunataca Mandac Dios ñucaca mana munanichu. Cunanca mana allita ruhuashcata yuyarishpami paicunapac juchamanta llaquichigrini. Paicunaca Egiptomanmi cutinga.

OSEAS 7:16

Paicuna cutirishpapish mana jahua pachapi causac Diospacman cutirircachu. Ashtahuanpish espadata mana alli shitac shinami llullarca. Jatun tucushpa, mana allita rimashcamantami mandaccunapish espadapi huañurca. Chashna millai cashcamantami, Egipto llactapi causaccunaca burlashpa asingacuna» ninmi.

ISAÍAS 7:23

Chai huatapica chunga shuc kilo yalli pezac cullqui valic huaranga uvas yuracunata tarpuna pambapica cashacuna, cardos yuracunami huiñanga.

OSEAS 11:11

Egiptomanca volac animalcuna shinami, chucchushpa ñucapacman shamunga. Asiria llactamantaca paloma shinami shamunga. Paicunataca, paicunapac huasicunallapitacmi causachun saquisha» ninmi. Chaitaca Mandac Diosmi nin.

OSEAS 7:13

¡Ñucamanta anchuriccunalla, imachari tucunga! ¡Ñucata mana cazushcamantaca yalli llaquimi japinga! Ñucaca paicunata quishpichimanmi, ashtahuanpish paicunaca ñucata llaquichishpami llullan.

ISAÍAS 34:13

Paicuna mandana huasipica casha, torrecunapica chinicuna, cardosmi huiñanga. Ucucunapica chacal animal causana, pungu pambapica avestruzcuna tiyarinami tucunga.

ISAÍAS 32:13

Ñuca acllashcacunapac llactapica cashacuna, cardoscunami jundanga. Cushicuna huasi jahuacunapipish, cushicuna plazacunapipish chashnami canga.

ISAÍAS 27:12

Chai punzhapica Mandac Diosmi Eufrates jatun yacu ladomanta Egipto jatun yacu ladocaman trillac shina tandachinga. Chaipimi can israelcunataca shucllancaman tandachinga.

ISAÍAS 19:13

Zoán llactata mandaccunaca imata mana entendic shinami ruhuashca. Paicunataca Menfis llactata mandaccunami umashca. Huasita ruhuashpa callaripi churana rumi shina Egiptopi causaccunata llullashpa pandachishca.

ISAÍAS 11:11

Mandac Dios pai acllashcacunata paipac maquita alzashpa Asiriamanta, Egiptomanta, Patrosmanta, Etiopiamanta, Elammanta, Sinarmanta, Hamatmanta, mama cucha patapi tiyac llactacunamanta cutichimui punzhacunapipish chashnallatacmi tucunga.

PROVERBIOS 24:31

Chai pambacunapica chinicuna, cashacuna huiñashpa jundashcami carca. Chai pamba muyundi pircacunapish tucui urmashcami carca.

SALMOS 107:34

Alli grano pucuc allpacunatapish, mana pucuc cachi allpatami ruhuan. Chaipi causaccuna millaita ruhuashcamantami chashnaca ruhuan.

2 REYES 13:7

Siria llactata jatun mandacmi tucui tucuchishpa, ñuto allpata shina saquishca cacpimi, Joaspac gentecunaca caballopi ric pichca chunga soldadocuna, macanacuna chunga carretacuna, chaquillahuan puric chunga huaranga soldadocunalla saquirishca carca.

1 SAMUEL 13:6

Israelcunaca yallita llaquipi cashpami, jatun jutcucunapi, huaicucunapi, machaicunapi, quingraicunapi, yacu jundachina jutcucunapi miticurca.

JEREMÍAS 2:16

Menfis, Tafnes llactacunapi causaccunapish umata paquircami.

JEREMÍAS 42:22

Chaimanta cunanca caita alli yachacuichic. Chaica, cancuna causagrinata munashca llactapica, jatun macanacuipi yarcaihuan, jatun ungüihuanmi huañunguichic» nirca.

JEREMÍAS 44:1

Egipto llactapi tiyac Migdol, Tafnes, Menfis llactacunapi, Patros llactapi causac Judá llacta runacunamanta Mandac Dios Jeremiasta rimashpaca:

JEREMÍAS 46:14

«Egipto llactapi huillaichic. Migdol, Menfis, Tafnes llactacunapi huillashpa: “¡Allichirishpa shayarichic. Cancuna causacuc muyunditaca espadahuanmi tucuchinga!” nichic.

JEREMÍAS 46:19

Egiptopi causaccunalla, prezu apacpi, ringapac quipita allichichic. Menfisca shitashca pambami saquiringa. Chaipi causaccunaca shucllapish mana tiyangachu.

EZEQUIEL 30:13

Cutinllatac Mandac Diosca: Menfis llactapi tiyac ruhuashcalla dioscunatapish, imaman riccha dioscunatapish tucuimi chingachisha. Egipto llactata mandacca tucuringami. Chai llactapica yalli manchaillami tiyanga.

EZEQUIEL 30:16

Egiptopica ninatami japichisha. Sin llactapi causaccunaca sajuarina nanaihuan shinami canga. Tebas llactaca ñutuchishcami canga. Cutin Menfis llactapi causaccunaca punzhantami llaquihuan canga.

OSEAS 2:6

Chaimantami pai purina ñanpica cashacunata churasha. Shinallatac maita mana llucshipacta ruhuashpami, muyundita jarcasha.

OSEAS 7:11

Efraín ailluca paloma shinami imatapish mana yachac tucushca. Chaimantami Egiptopi causaccunatapish, Asiria llactapi causaccunatapish ayudachun mañan.

SOFONÍAS 1:11

Mactes pambapi causaccunalla, caparishpa huacaichicyari. Catuccunapish, randiccunapish, cullquita cambiaccunapish tucuchishcami canga.

LEVÍTICO 26:33

Cancunataca espadahuan llaquichishpami caita chaita catishpa cachasha. Cancunapac causana llactaca shitashcami saquiringa. Cancunapac causana pueblocunapish llaquinayaitami tucuchishca saquiringa.

JEREMÍAS 44:12

Egipto llactaman rishpa, chaipi causac puchushca Judá gentecunaca tucuimi tucuchishca canga. Tucui paicunami jatun macanacuipi yarcaihuan huañushpa tucuringa. Cashnami uchillamanta callarishpa yuyaccunacaman tucuringa. Tucuipac mana alli nishca, tucuipac mancharina, burlanami tucunga.

JEREMÍAS 44:13

Jerusalenpi causaccunata ima shinami jatun macanacuipi yarcaihuan, jatun ungüihuan llaquichircani, chashnallatacmi Egipto llactapi causaccunatapish llaquichisha.