OSEAS 9:15 - Dios Rimashcata Quillcashcami

¹⁵ Mandac Diosca: «Paicuna mana allita ruhuashcataca Gilgalpi ricunallami. Chaipimi paicunataca mana ricunayachircani. Paicuna yalli mana allita ruhuashcamantami, ñuca huasimanta llucchishpa cachasha, mana ashtahuan cuyashachu. Paicunata tucui mandaccunapish mana cazuccunami.

OSEAS 9:15 Referans Kwoze

OSEAS 12:11

Galaad llactapi causaccunaca ruhuashcalla dioscunata alli nishpami causan. Gilgal llactapica huagracunata chai dioscunaman cushpami huañuchirca. Paicunapac altarcunaca yapushca pambapi rumita montón shinami canga» ninmi.

OSEAS 4:15

Israelcunalla, cancuna huainayacpipish, Judá llactapi causaccuna mana juchallishpami alli canman. ¡Gilgalmanpish ama yaicuichicchu! Bet-avenmanpish ama huichai richicchu. Shinallatac ama: “¡Mandac Diospac shutipimi ari nini!” ninguichicchu.

ISAÍAS 1:23

Mandaccunapish mana cazuncunachu. Shuhuaccunahuan apanacuccunami tucushca. Tucui paicunami cullquita pacalla japinallata munancuna. Imatapish pacalla cuchunllami munancuna. Taita mama illac huahuacunatapish, viuda huarmicunatapish mana ayudanchu.

AMÓS 5:5

Bet-elmanpish, Gilgalmanpish ama yaicunguichicchu. Beersebamanpish ama pasaichicchu. Gilgalpi causaccunataca prezu apangami. Bet-el llactaca tuñishcami canga» ninmi.

1 SAMUEL 7:16

Paica huatantami Bet-el, Gilgal, Mizpa pueblocunapi israelcunapurapi ima tiyashcata allichingapac ric carca.

SOFONÍAS 3:3

Paicunata mandaccunaca leoncuna shinami huacacun. Juezcunaca tuta animalta japishpa, tutamantapac shuc tullullatapish mana puchuchic shinami cancuna.

MIQUEAS 6:5

Ñuca acllashcacunalla, cunanca Moab llactata jatun mandac Balac cunashcata yuyarichicyari. Beorpac churi Balaam Sitimmanta Gilgalman chayashpa, imata nishcatapish yuyarichicyari. Chashna yuyarishpami, Mandac Dios ñucaca cashcata ruhuac cashcata yachanguichic» ninmi.

HECHOS 4:27

Chashna nishca shinami, cai pueblota mandac Herodesca Poncio Pilatohuanpish, israelcunahuanpish, mana israelcunahuanpish jucha illac Jesusta llaquichingapac tandanacurca. Diosmi Jesustaca Cristo cachun cacharca.

ZACARÍAS 11:8

Shuc quillallapimi quimsa michiccunata tucuchircani. Ñuca shungupish paicunata mana ricunayachircachu. Paicunapac shungupish ñucata mana ricunayachircachu.

MIQUEAS 3:11

Juezcunaca pacalla imata japishpami, ima llaquitaca allichin. Curacunaca cullquimantami yachachin. Huillaccunapish cullquimantami yachac tucushpa huillan. Chashna ruhuacushpapish Mandac Diostami yuyarinchic nishpaca: “¿Manachu Mandac Diosca ñucanchic-huan? ¡Ima llaquipish ñucanchictaca mana japingachu!” nincunami.

AMÓS 5:27

Chaimantami cancunataca Damascomanta ashtahuan chimbaman apachun saquisha. Chaitaca Mandac Dios ñucami nini» ninmi. Paipac shutica tucuita Mandac Diosmi.

AMÓS 4:4

Mandac Diosca: «¡Bet-elman rishpa juchallichiclla! ¡Gilgalpi Dios ñucata mana cazugrichiclla! ¡Tutamanta animalta cushpa huañuchichiclla! ¡Cada quimsa punzhapi, chungamanta shucta cunguichiclla!

OSEAS 9:17

Ñuca Mandac Diosca paita mana cazushcamantami mana ricunayachirca. Chaimantami paicunaca shuctac llactacunapica chingarishpa puricunga.

OSEAS 9:3

Efraín ailluca Mandac Dios cushca llactapica mana saquiringachu. Ashtahuanpish Egiptoman, Asiria llactamanmi cutinga. Chaipimi millana micunata micunga.

OSEAS 7:2

Tucui paicuna mana allita ruhuashcata ñuca yuyaipi charicushcataca mana shungupi yuyarinchu. Tucui paicuna mana allita ruhuashcataca ricucunimi. Chai mana allita ruhuashcacunami paicunata chaupinchishpa charicun.

OSEAS 4:9

Gentecunapish, curacunapish chashnallatacmi can. Paicuna ima shina ruhuashpa causashca shinallatacmi llaquichisha.

OSEAS 3:4

Unaitami israelcunaca jatun mandactapish, quipa mandactapish mana charinga. Shinallatac rumi dioscunapish, efod nishcapish, Terafín dioscunapish, Diosman animalta cushpa huañuchinapish mana tiyangachu.

OSEAS 1:9

Chaimantami Mandac Diosca Oseastaca: «Chai huahuataca Lo-ammita shutichi. Chaica, cancunaca mana ñuca acllashcacunachu canguichic. Ñucapish mana cancunapac Mandac Dioschu cani» nirca.

OSEAS 1:6

Chai huarmica cutin huicsayuc tucushpami, shuc huarmi huahuata charirca. Chaimantami Mandac Diosca Oseastaca: «Chai huahuataca Lo-ruhamata shutichi. Chaica, israelcunataca mana ashtahuan llaquishachu, shinallatac mana perdonashachu.

EZEQUIEL 23:18

Chashnami paica lluchulla tucushpa, tucuipac ricuipi huainayarca. Chaimantami ñuca shungupica paitapish, paipac ñañatapish millanayachircani.

EZEQUIEL 22:27

Mandaccunapish animalcunata japic atuc shinami, millaita ruhuashpa cullquita japingaraicu gentecunata huañuchishpa, yahuarta jichancuna.

JEREMÍAS 11:15

Ñuca cuyashca huarmi shina llactalla, cai tucui millana juchacunata ruhuashpaca, ¿imapactac ñuca huasimanca shamunguichic? ¿Ñucaman animalta chicanyachishpa cushpaca, cai llaquimanta, quishpirishami yuyanguichicchu? ¿Chaita cushpaca cushicushami yuyanguichicchu?

JEREMÍAS 5:5

Cunanca yachaccunapacman rishpa, paicunahuan parlasha. Paicunaca Mandac Dios mandashcatapish, pai taripashpa llaquichinatapish yachancunami. Ashtahuanpish paicunapish yugota paquishpami, coyundatapish pitirca.

JEREMÍAS 3:8

Chai mana cazuc Israel huainayac shina juchallishcamantami raquirina cartata quillcashpa curcani. Shina ruhuacpipish, mana cazuc ñaña Judaca mana manchashpami, huainayac shina, juchallingapac rirca.

SALMOS 78:60

Chaimantami Silo pueblo gentecunapac chaupipi cac paipac carpa huasitaca saquirca.

JOSUÉ 10:43

Chai quipami Josueca tucui israelcunahuan Gilgal pueblopi tiyac carpa huasicunaman cutirca.

LEVÍTICO 26:30

Loma jahuapi tiyac altarcunatapish, ruhuashcalla dioscunatapish ñutuchishpa tucuchishami. Cancunataca huañuchishpami cancunapac huañushca dioscunapac jahuapi shitasha. Cancunataca millashami.

HECHOS 5:21

Ángel chashna nicpimi, tutamanta, Diosta mañana huasiman rishpa, yachachi callarirca. Chaimantami curacunata mandac curaca tucui paihuan caccunahuan rishpa, tucui israelcunata pushac yuyaccunatapish, mandaccunatapish tandachirca. Chai quipami, apostolcunata carcelmanta apamuchun cacharca.

JEREMÍAS 12:8

Ñuca acllashcacunaca sachapi causac león shinami piñarirca. Ñucata llaquichishpa caparishcamantami, paicunataca millanayachircani.

OSEAS 12:2

Mandac Diosca Judá llactapi causaccunahuanmi piñarishca. Jacobopac huahuacunataca paicuna mana alli ruhuashca shinallatacmi llaquichinga.

JEREMÍAS 15:1

Chaimantami Mandac Diosca: «Moises-huan, Samuelhuan ñuca ñaupapi shayaricpipish, cai llactataca mana llaquishachu. Ñucapac ñaupamanta anchuchishpa, llucchishpa cachai.