OSEAS 9:11 - Dios Rimashcata Quillcashcami

¹¹ Alli nishca Efraín ailluta volac animal shinami chingaringa. Chaimantami huarmicunapish mana sajuaringa. Mana huicsayuc tucungachu. Shinallatac mana huahuata charingachu.

OSEAS 9:11 Referans Kwoze

OSEAS 10:5

Samariapi causaccunaca Bet-avenpi tiyac beci dioscunatami manchanga. Chaipi causaccunapish duelo churanatami churaringa. Chai beci diosta sumaimanami cangui nic curacunapish chai dioscunata apacpi, yallitami huacanga.

OSEAS 9:14

Mandac Dioslla, paicunaman imata cuna cashcata cuiyari. Paicunataca shulluc huarmicunata, leche illac huarmicunata ruhuaiyari.

OSEAS 4:7

Curacuna ashtahuan achca tucushpaca, ashtahuan juchallishpami ñucata piñachirca. Chaimantami paicuna alli nishca canata anchuchishpa, pingaichishpa asinata ruhuasha.

DEUTERONOMIO 28:18

Cancunapac huahuacunapish, allpapi pucushcapish, ovejacuna mirashcapish, vacacuna mirashcapish mana alli nishcami canga.

SAN LUCAS 23:29

Chaica: “Huahuata mana chari pudic, mana huicsayuc tucuc, mana chuchuchic huarmicunapish cushicuichic” nina punzhacuna chayamungami.

AMÓS 1:13

Mandac Diosca: «Amón llactapi causaccunataca, paicuna catipi quimsa cutin, chuscu cutin juchallishcamanta llaquichinataca manatac saquishachu. Paicunaca allpata mirachingapacmi Galaad llactapi causac huicsayuc huarmicunataca huicsata tucyachirca.

ECLESIASTÉS 6:3

Shuc runa patsac churicunata charishca cashpapish, tauca huatacunata, achca punzhacunata causashca cashpapish, pai charishcahuanca mana cushicushcachu. Shinallatac pai huañucpipish, enterrangapac sepulturaca mana tiyashcachu. Chaimantami ñucaca, shullushca huahuami chai runata yalli alli nini.

SALMOS 58:8

Babusa shina chingarichun. Shullushca huahua shina achic punzhata ama ricuchun.

JOB 18:5

Diosta mana manchaccunapac achicyachic lamparaca huañuchishcami canga. Chai ninapish ashtahuan llamataca mana cungachu.

DEUTERONOMIO 33:17

Punta huacharishca huagra shina sumaimana cachun. Sacha huagrapac gachu shina fuerzasapami. Chai fuerzahuanmi shuctac llactacunataca cai pacha tucuricaman catishpa cachanga. ¡Efrainpac huahua huahuacunapish, Manasespac huahua huahuacunapish huaranga huarangami canga!» nirca

DEUTERONOMIO 28:57

Cancunapac llactacunata piñaccuna muyushpa llaquichicpi, ima micuna mana tiyacpimi, sajuarishca huahuatapish, catictapish pacalla micunga.

GÉNESIS 49:22

Joseca yacu ladopi huiñashca achca granota yura shinami cangui. Ramacuna pirca jahuata ric shinami cangui.

GÉNESIS 41:52

Quipa churitaca: “Diosmi ñuca llaquita apashca llactapi churicunayucta ruhuashca” nishpami, Efrainta shutichirca.

ISAÍAS 17:3

Efraín llactatapish, Damasco llactatapish jarcashca pircaca illanmi. Siria llactapi maijan saquirishcacunaca alli nishca israelcuna shinami ashalla tucunga» ninmi. Chaitaca tucuita Mandac Diosmi nin. Israelcunata Mandac Diosca:

OSEAS 5:9

Llaquichi punzhapica Efraín ailluca llaquinayaitami chingaringa. Israelpac aillumanmi ima tucuna cashcataca mana llullashpa huillani.

2 SAMUEL 6:23

Saulpac ushi Micalca pai huañuna punzhacamanmi mana huahuata chari pudirca.