OSEAS 9:1 - Dios Rimashcata Quillcashcami

¹ Israelcunalla, shuctac llactapi causaccuna shina, ama yallita cushicuichicchu. Cancunaca huainayac huarmi shinami, cancunapac Diosmanta caruyashcanguichic. Granota trillana erapi huainayashpa, cullquita japinatami munarcanguichic.

OSEAS 9:1 Referans Kwoze

OSEAS 10:5

Samariapi causaccunaca Bet-avenpi tiyac beci dioscunatami manchanga. Chaipi causaccunapish duelo churanatami churaringa. Chai beci diosta sumaimanami cangui nic curacunapish chai dioscunata apacpi, yallitami huacanga.

OSEAS 4:12

Ñuca acllashcacunaca imatapish yachangapacmi paicunapac yanga diosman tapun. Chai caspihuanmi ima tucunata huillasha. Paicunataca huainayana yuyaimi pandachin. Chai shina huainayashpa causangapacmi Mandac Diosmanta anchurin.

JEREMÍAS 44:17

Ashtahuanpish ñucanchic shimihuan imata nishcatami ruhuashpa causashun. Ñucanchic ñaupa taitacunapish, jatun mandaccunapish, shuctac mandaccunapish, Judá llactacunapi, Jerusalén plazacunapimi jahua pacha jatun mandac huarmi diosman inciensota rupachic carcanchic. Vinotapish tallishpami cuc carcanchic. Chashna ruhuashpami achca granota pucuchic carcanchic. Ima llaquipish mana causarcanchicchu.

SANTIAGO 5:1

Chayuccuna, caita uyaichic: ¡Cancunataca jatun llaquicunami japinga! ¡Chaimanta caparishpa huacaichic!

SANTIAGO 4:16

Ashtahuanpish cancunaca jatun tucushpami, caitapish, chaitapish ruhuashunmi nicunguichic. Chai shina imapipish jatun tucunaca mana allichu.

AMÓS 6:13

Cancunaca yangami cushicushpa: «Lodebar llactataca ñucanchic alli yachac cashcamantami mandacunchic» ninguichic.

AMÓS 3:2

«Cai pachapi causacpuramantaca cancunallatami ñucaca acllarcani. Chaimantami cancuna mana allita ruhuashcamantaca llaquichisha» ninmi.

OSEAS 5:7

Paicunaca Mandac Diosta mana cazushpami, shuccunapac huahuacunata charin. Cunanca paicunapish, paicunapac allpapish shuc quillapimi tucuringa.

OSEAS 5:4

Paicunapac shungupi huainayana yuyai tiyashcamantami paicuna ruhuashcacunahuanca mana ñucapacman cuti pudincuna. Chashnami ñucataca mana ricsincuna.

OSEAS 2:12

Paipac uvas chagratapish, higo yuracunatapish tucuchishami. Chaicunatami paica: «Ñuca cuyashcacuna ñucaman pagashcami» nirca. Chai yuracunataca yanga yuracunata ruhuasha. Chaicunataca sacha animalcunami micunga.

EZEQUIEL 21:10

Huañuchingapacmi alli mulashca. Jagan nishpa achicyachicunmi. ¿Ñuca churi mandana varata imapish caspita shina ruhuashcamantaca cushicushunchu?

EZEQUIEL 20:32

Cancunaca: ‘Shuctac llactapi causaccuna shina, shuctac gentecuna shina caspimanta, rumimanta ruhuashca dioscunata servishpa causashunchic’ ninguichicmi. Cancuna yuyashcaca mana pactangachu.

LAMENTACIONES 4:21

Uz llactapi causac Edom runacunalla, cushicushpa asicuichiclla. Cancunapish jayacta ubiashpa musparishpami lluchulla siricunguichic.

ISAÍAS 17:11

Chai yuraca llaqui punzhapica chai punzhallatac huiñashpa, chai cayandi punzhapac jatunyashca cashpapish, tucui tucuringami. Maita mana jarcaipac jatun llaquimi tucuchinga.

AMÓS 8:10

Cancunapac cushicuna fiesta punzhacunataca, llaqui punzhacunatami ruhuasha. Tucui cancunapac cantocunataca huañuipi cantanatami ruhuasha. Sharpa churanatami churachisha. Chashnami llaquirishpa, acchata pitinga. Chaipica, shuclla churi huañushcamanta shinami huacanga. Tucurina punzhaca yalli llaqui punzhacunami canga.

SALMOS 73:27

Riqui, canmanta caruyaccunaca chingaringami. Canmanta anchuriccunataca tucuitami tucuchingui.

AMÓS 4:5

¡Ñucata pagui nishpa, levadurahuan ruhuashca tandata cuichiclla! ¡Quiquin munaimanta ofrendata cushcata tucuiman huillaichiclla! ¡Israelcunalla, cancunaca chaita ruhuanatami ashtahuan munanguichic!

JEREMÍAS 2:19

Can quiquin mana allita ruhuashcallatacmi llaquichinga. Ñucata saquishpa juchallishcallatacmi llaquichinga. Mandac Dios ñucamanta anchurinapish, ñucata mana manchanapish mana alli cashcata, llaqui cashcataca alli yuyariyari. Chaita tucuita Mandac Dios ñucami nini.

JEREMÍAS 2:20

Utcamanta pachami yugota paquishpa, coyundatapish pitircangui. Shina ruhuashpaca: “¡Mana servishachu!” nircanguimi. Chashna nishca jahuami lomacunapi, jatun yura ucucunapi huainayac huarmi shina sirirircangui.

EZEQUIEL 16:15

Ashtahuanpish canca sumac cashcata yuyashpami, pipish chaita pasaccunahuan huainayarcangui. Chashnami paicunapaclla tucurcangui.

EZEQUIEL 16:30

Chaimantami Mandac Dios ñucaca: ¡Pandariclla shungu cashpami, cullquimanta huainayac shina, mana pingac huarmi shina, cai tucui millanacunata ruhuarcangui!