OSEAS 5:7 - Dios Rimashcata Quillcashcami

⁷ Paicunaca Mandac Diosta mana cazushpami, shuccunapac huahuacunata charin. Cunanca paicunapish, paicunapac allpapish shuc quillapimi tucuringa.

OSEAS 5:7 Referans Kwoze

OSEAS 6:7

Ashtahuanpish paicunaca Adán shinallatacmi ari nishcata mana pactachirca. Chashnami ñucata mana cazurca.

JEREMÍAS 3:20

Israel-lla, canca shuc huarmi cusata mana cazuc shinami mana cazushpa, ñucataca shitarcangui. Chaitaca Mandac Dios ñucami nini.

ISAÍAS 48:8

Caicunata manarac uyashpa, manarac ricsishpami causarcanguichic. Cancunapac ringrica mana alli uyacchu carca. Ñucaca cancuna mana cazugricushcataca yacharcanimi. Chaimantami mamapac huicsapi cacpirac “mana cazuccunami canguichic” nircani.

ZACARÍAS 11:8

Shuc quillallapimi quimsa michiccunata tucuchircani. Ñuca shungupish paicunata mana ricunayachircachu. Paicunapac shungupish ñucata mana ricunayachircachu.

OSEAS 2:11

Paimanta cushicuita anchuchishpami, paipac fiesta punzhacunatapish, llullu quilla punzhacunatapish, samana punzhacunatapish tucuchisha.

OSEAS 2:4

Paicunapac huahuacunaca huainayac huarmipac huahuacunami. Chaimanta paicunatapish mana llaquishachu.

EZEQUIEL 12:28

Chaimanta canca: “Mandac Diosca: Ñuca huillashcaca ña mana ashtahuan unayangachu, ashtahuanpish ñuca huillashcaca pactangatacmi” ninmi ningui» nirca.

JEREMÍAS 5:11

Israel aillucunapish, Judá aillucunapish, ñucataca mana cazurcacunachu. Chaitaca Mandac Dios ñucami nini» ninmi.

ISAÍAS 59:13

Ñucanchicta Mandac Diosta mana cazushpa, paita piñachishpami, paimanta anchurishcanchic. Pitapish llaquichinallata, Diosta mana cazunallatami rimanchic. Pandachishpa llaquipi churanallatami yuyashpa purinchic.

SALMOS 144:11

Shuctac llacta gentecunapac maquimanta quishpichiyari. Paicunaca llullallatami rimancuna. Alli maquita alzashpami llullancuna.

SALMOS 144:7

Jahua pachamanta cambac maquita chutashpa ñucata quishpichiyari. Ñucaca jatun yacupimi aguaricuni. Shuctac llacta gentecunapac maquimanta quishpichiyari.

ISAÍAS 1:14

Llullu quillapi, jatun fiestacunapi tandanacuita cancuna ruhuashcataca mana ricunayanchu. Chaicunaca ñucamanca llashac quipi shinami. Chaicunata ricushpallami shaicuni.

OSEAS 7:13

¡Ñucamanta anchuriccunalla, imachari tucunga! ¡Ñucata mana cazushcamantaca yalli llaquimi japinga! Ñucaca paicunata quishpichimanmi, ashtahuanpish paicunaca ñucata llaquichishpami llullan.