OSEAS 4:2 - Dios Rimashcata Quillcashcami

² Ashtahuanpish llaquichina, llullana, huañuchina, shuhuana, huainayana yuyaillami tiyan. Punzhantami huañuchin.

OSEAS 4:2 Referans Kwoze

OSEAS 6:9

Curacunaca shuhuaccuna shinami, Siquem ñanpi chapashpa huañuchishpa, yallita pingaipacta ruhuan.

1 TESALONICENSES 2:15

Diosmanta ñaupa huillaccunatapish, Apunchic Jesustapish, israelcunaca huañuchircacunami. Cutin ñucanchictaca piñashpami llucchishpa cacharca. Chashnaca Diostapish piñancunami.

MIQUEAS 7:2

Cai pachapica llaquicpish, cashcata ruhuacpish mana tiyanchu. Tucui runacunami huañuchinata munan. Tucui runacunami shuctac runacunata huañuchingapac tucllata churan.

OSEAS 7:1

Israelcunata ñuca jambicpica, Efraín aillupac mana allita ruhuashcapish, Samaria llactapi causaccuna millaita ruhuashcapish ricurinmi. Paicunaca llullaccunami, huasiman yaicushpapish, ñanta pasaccunatapish macashpa shuhuashpami causan.

JEREMÍAS 6:7

Yacu tucyacuc shinami, cai llactapica millaita ruhuana yuyaica tiyan. Shuctac llaquichinallata, millaita ruhuanallatami parlanacun. Punzhantami ñuca ñaupapica ungushcacunapish, chugrichishcacunapish ricurin.

APOCALIPSIS 17:6

Chai huarmitaca Diospaclla caccunapac, shinallatac Jesusmanta huillaccunapac huañuchishca yahuarhuan machashca cashcatami ricurcani. Chaita ricushpaca, yallitami mancharishpa saquirircani.

HECHOS 7:52

Ñaupa taitacunaca, Dios ima nishcata huillaccunata mana ricushun nishpami llaquichirca. Paicunami shamuna cashca Jucha illac, imatapish cashcata ruhuacmanta huillaccunata huañuchircacuna. Chai Jucha illac shamucpica, millai runacunaman cushpami huañuchircanguichic.

SAN MATEO 23:35

Cashcata ruhuaccunata huañuchishcamantaca, cancunatami Diosca llaquichinga. Abelpac yahuarmanta callarishpa, Berequiaspac churi Zacariaspac yahuarcamanmi cancunataca taripashpa llaquichinga. Zacariastaca Diosta mañana huasipi tiyac altar ladopimi huañuchirca.

ZACARÍAS 7:9

«Tucuita Mandac Dios ñucaca: “Cashcata ruhuashpa taripanguichic. Tucui mashna cuyanacuichic, llaquinacuichic.

ZACARÍAS 5:3

Shina nicpimi angelca: —Chaipica tucui cai pachapi causaccuna llaqui tucunatami quillcashca. Chai pillushca carapi shuc ladopi nicushca shinallatacmi shuhuaccunaca tucuchinga. Caishuc ladopi imata nicushca shinallatacmi llullashpa ari niccunapish tucuchinga.

SOFONÍAS 3:1

¡Aij, Jerusalenlla, shuccunata llaquichiccuna, mana cazuccuna, juchata ruhuashpa mapayashcacunami!

MIQUEAS 6:10

Paica: «Ñucata mana manchac runapac huasipica, ¿shuhuashcacuna tiyangaracchu? ¿Ñuca millana, mana alli medinacuna tiyangaracchu?

MIQUEAS 3:9

Cunanca, Jacobopac huahuacunata pushaccunapish, israelcunata mandaccunapish caita alli uyaichic. Cancunaca cashcata ruhuanatapish, allita ricushpa mandanatapish millanayachinguichicmi.

MIQUEAS 3:2

Ashtahuanpish cancunaca allita ruhuanata piñashpami, mana allita ruhuanata munanguichic. Tullumantaca caratapish, aichatapish anchuchishpami saquinguichic.

OSEAS 12:14

Efraín ailluca Mandac Diostami yallita llaquichirca. Chaimantami paicuna yallita mana allita ruhuashca shina llaquichinga. Paicunaca Mandac Diosta mana alli nishpa rimashcamantami llaquichishca canga.

OSEAS 10:4

Paicunaca yangallami rimancuna. Yangallami imata pactachingapac ari ninacun. Chaimantami llaquicunaca yapushca pambacunapi jayac ajenco huiñac shina, achca miranga.

OSEAS 7:3

Paicunaca millaita ruhuashpami jatun mandacta cushichin. Cutin llullashpaca caishuc mandaccunatami cushichin.

OSEAS 5:2

Yallita juchata ruhuashpami Sitim pambapi tiyac jutcuta yalli ucuyachic shina ruhuashcanguichic. Chaimantami cancunataca yallita llaquichisha.

LAMENTACIONES 4:13

Paicunaman huillaccuna juchallishcamanta, curacuna mana allita ruhuashpa, cashcata ruhuac runacunata huañuchishpa, Jerusalén chaupipi yahuarta jichashcamantami chashnaca tucurca.

ISAÍAS 48:1

Israel shuti, Jacobopac huahuacuna, caita uyaichic. Cancunaca Judapac huahua huahuacunami canguichic. Mandac Diospac shutipi ari nishpapish, israelcunapac Diosta mañashpapish mana ciertota yuyaringuichicchu. Ashtahuanpish jahua shungullami canguichic.

ISAÍAS 24:5

Cai pachapi causaccunaca Dios mandashcacunata mana cazushpami, pandata ruhuashpa, huiñaita Dios-huan ari ninacushcatapish mana pactachirca. Chai juchacunamantami cai pachaca mapayarca.

GÉNESIS 4:8

Cainca paipac huauqui Abeltaca: «Pambaman llucshishunchic» nirca. Ña pambapi puricushpami, Cainca paipac huauqui Abelta macashpa huañuchirca.

DEUTERONOMIO 5:11

Mandac Dios ñucapac shutita ama yanga rimanguichu. Mandac Dios ñucapac shutita yanga rimactaca llaquichishami.

DEUTERONOMIO 5:18

Ama huainayanguichu.

DEUTERONOMIO 5:19

Ama shuhuanguichu.

JEREMÍAS 51:5

Israelcunata Mandac Diosca chai llactapi yallita juchata ruhuashpa paita piñachicucpipish israelcunatapish, Judá llacta runacunatapish mana saquishcachu.

EZEQUIEL 7:23

Caipi causaccunaca llaquichina yuyai jundami, cai llactapi causaccunaca huañuchina yuyaillami. Chaimanta canca fierro cadenata ruhuangui.

OSEAS 6:8

Galaad llactapi causaccunaca huañuchiccuna cashpami, yahuarpi mapayashpa causan.

OSEAS 7:4

Paicunaca yallita huainayaccunami. Paicunaca tandata ruhuai callarishpa, tanda punguillingacaman rupac horno shinami.

OSEAS 10:13

Cancuna tarpuc shina mana allita ruhuashpaca, mana allitami cosecharcanguichic. Shinallatac imapish pucushcata micuc shinami llullashcanguichic. Cancunaca, cancunapac ruhuashcapi, achca sinchi runacunapimi shunguta churashpa causashcanguichic.

OSEAS 11:12

Efraín ailluca yallita llullashpami muyundita jarcashcata shina ruhuashca. Israelcunaca llullashpami tauca cutin umashca. Judá llactapi causaccunaca Mandac Dios-huan cariyashpami, paimanta caruyashca.