OSEAS 2:23 - Dios Rimashcata Quillcashcami

²³ Israelcunataca ñucapac cachunmi tarpuc shina, cai llactapica churasha. Shina churashpami, Lo-ruhamataca llaquisha. Lo-ammitaca: «¡Canca ñuca acllashcami cangui!» nishami. Paica: «¡Ñuca Mandac Diosmi cangui!» ningami.

OSEAS 2:23 Referans Kwoze

ZACARÍAS 13:9

Chai quimsa partepi chicanyachishcataca ninapi churashpami ricusha. Cullquita yacuyachic shinami yacuyachisha. Ninapi churashpa alli curita ricuc shinami ricusha. Shina ruhuacpimi, paicunaca ñuca shutita mañanga. Paicuna mañashcata ñuca uyashpaca: “Ñuca acllashcacunami canguichic” nishami. Cutin paicunaca: “Ñucanchicta Mandac Diosmi cangui” ningami» ninmi.

ROMANOS 3:29

¿Diosca israelcunapaclla Dioschu? ¿Manachu mana israelcunapacpish Dios? Ari, shinami can. Diosca tucuipac Diosmi.

ZACARÍAS 2:11

Chai punzhapica achca llactacunami Mandac Dios ñucapacman tandanacunga. Paicunaca ñuca acllashcacunami canga. Ñucaca cancunapac chaupipimi causasha» ninmi. Chaita ricushpami, Mandac Diosllatac cancunapacman ñucata cachashcata yachanguichic.

SALMOS 22:27

Cai pacha tucuri llactacunapi causaccunami Mandac Diosta yuyarishpa paiman cutingacuna. Tucui llactapi causaccunami cambac ñaupapi alli nishpa cumuringacuna.

MALAQUÍAS 1:11

Cai pachapica ñuca shutica inti llucshina ladomanta, inti tigrana ladocamanmi jatun. Chashna ñuca shuti cai pachapi jatunyachishca cacpimi, maipi cashpapish, inciensota rupachishpa, chuya ofrendacunata ñucaman cun. Chaitaca tucuita Mandac Dios ñucami nini.

OSEAS 1:6

Chai huarmica cutin huicsayuc tucushpami, shuc huarmi huahuata charirca. Chaimantami Mandac Diosca Oseastaca: «Chai huahuataca Lo-ruhamata shutichi. Chaica, israelcunataca mana ashtahuan llaquishachu, shinallatac mana perdonashachu.

JEREMÍAS 31:27

Mandac Diosca: «Israel llactapipish, Judá llactapipish, gentecunata, animalcunata achcata mirachina punzhacunami shamugrin.

JEREMÍAS 32:38

Paicunaca ñuca acllashcacunami canga. Ñucaca paicunapac Diosmi casha.

SALMOS 68:31

Egipto llactata jatun mandaccunami shamungacuna. Etiopía llactapi causaccunaca paicunapac maquitami Mandac Diospac ladoman chutanga.

JEREMÍAS 16:19

Mandac Dioslla, canca ñucapac sinchi torre shinami cangui. Ñucaman fuerzata cushpa, llaqui punzhacunapi ñucata cuidacmi cangui. Tucui cai pachamanta cambacman shamushpaca: «Ñucanchic taitacunaca imapacpish mana valic, llulla yanga dioscunatami charishca.

SALMOS 118:28

Ñuca Diosca canmi cangui. Cantami pagui nisha. Ñuca Dioslla, cantami jatunyachisha.

ZACARÍAS 14:16

Jerusalenpi causaccunahuan macanacungapac ric llactacunamanta saquirishca gentecunaca Jatun Mandacta, tucuita Mandac Diosta mañangapac, ramacunahuan chucllata ruhuana fiestata ruhuangapacmi cada huata huichai shamunga.

ZACARÍAS 14:9

Mandac Diosmi tucui cai pachata jatun mandacca canga. Chai punzhapica Mandac Diosllami ricsishca canga. Paipac shutillami ricsishca canga.

SALMOS 72:16

Pambacunapipish, jahua urcucunapipish grano tiyachun. Chai muyupish Líbano urcu yuracuna shina tucuchun. Pueblopi causaccunapish quihua sumacta sisac shina cachun.

ZACARÍAS 10:9

Ñuca shuctac llactacunaman caita chaita cachacpi, paicuna caru llactapi causacushpapish ñucataca yuyaringami. Paicuna chaipi huahuacunahuan causacushpapish cutimungami.

CANTARES 2:16

Ñuca cuyashcaca ñucapacmi, ñucaca paipacmi cani. Paica lirio sisa chaupipimi michicun.

OSEAS 8:2

Israelcunaca: “¡Ñucanchic Dioslla, cantaca ricsinchicmi!” nishpami mañan.

ISAÍAS 44:5

Maijanca: “Ñucaca Mandac Diospacmi cani” ningami. Maijanca: “Jacobopac huahuacunami cani” ningami. Maijanca: “Mandac Diospacllami cani” nishpami, paipac maquipi quillcanga. Paipac shutita yapachishpaca: “Israel” nishpami quillcanga.

SANTIAGO 1:1

Ñucaca Diospacta, Apunchic Jesucristopacta ruhuac Santiagomi cani. Israelpac chunga ishcai aillucuna shic-huarishpa, caipi chaipi causaccunatami “allillachu canguichic” nishpa, quillcani.

JEREMÍAS 30:22

Cancunaca ñuca acllashcacunami canguichic. Ñucaca cancunapac Diosmi casha. Chaitaca Mandac Diosmi nini.

JEREMÍAS 33:26

ñucapish Jacobopac huahuacunataca shitaimanmi. Ñucata servic Davidpac huahuacunatapish cungarimanmi. Shuc punzha Abrahampac, Isaacpac, Jacobopac huahuacunata mandachunca, Davidpac huahuacunataca ña mana mandachun churaimanchu. Ashtahuanpish ñucallatacmi caimanta prezu apashcacunataca llaquishpa cutichimusha» nirca.

EZEQUIEL 36:29

Cancunamantaca tucui mapatami anchuchisha. Yarcai ama tiyachunca achca trigotami pucuchisha. Yarcaica ña mana ashtahuan tiyangachu.