OSEAS 2:16 - Dios Rimashcata Quillcashcami

¹⁶ Chai punzhapica “Ñuca cusa” ningami. Mana ashtahuan: “Ñuca Baal” ningachu.

OSEAS 2:16 Referans Kwoze

ISAÍAS 54:5

Cambac cusaca, canman causaita Cucmi. Cusapac shutica tucuita Mandac Diosmi. Paica quishpichic, israelcunapac jucha illac Diosmi. Paipac shutica “tucui cai pachapi causaccunapac Diosmi” canga.

OSEAS 2:7

Paica cuyashcacunata cati rishpapish mana japingachu. Mashcashpapish mana taringachu. Chaimantami paica: «Ñaupa cusapacman cutisha. Paihuanca allimi causarcani, mana cunan punzhapi shinachu carcani» ningami.

JEREMÍAS 3:14

Mana cazuc huahuacuna ñucapacman cutimuichicyari. Cancunaca ñucapacmi canguichic. Ñucaca cancunataca cada llactamanta shucta, ishcaitami Sionpi causachun churasha.

APOCALIPSIS 19:7

Pactalla Ovejapac cazarana bodaca ñami chayamushca. Paipac huarmipish ña allichirishcami. ¡Chaimanta cunanca yallita cushicushpa, Diostaca ‘sumacmari cangui’ nishunchic!

2 CORINTIOS 11:2

Diosca paipaclla causachun munashcamantami, ñucapish chashnallatac causachun munani. Ñucaca shuc cusallahuan cazarachingapac, manarac pihuan chayarishca solterata ari nichic shinami cancunataca Cristohuan ari nichishpa paipacllata ricuchisha nini.

SAN JUAN 3:29

Shuc bodapica, noviaca noviopacmi. Noviopac ricsishcaca, novio rimashcata uyashpaca cushicunmi. Shinallatacmi ñucapish Novio rimashcata uyashpaca, yallita cushicuni.

GÉNESIS 34:3

Chai mosoca Jacobopac ushi Dinata tucui almahuan cuyashpami, pai rimashcacunahuan Dinapac shungupi yaicurca.

JUECES 19:3

Chaimantami paipac cusaca sumacta rimashpa inquitashpa cutichimungapac Belenman catirirca. Chashnami shuc servictapish, ishcai burrocunatapish, apashpa rirca. Chaipica chai huarmica paipac taitapac huasiman yaicuchircami.

RUT 2:13

Shina nicpimi Rutca: —Ñucata mandaclla, ñucaca, canta servic huarmicunapuramanta maijan huarmi shinapish mana canichu. Chashna cacpipish, sumacta rimashpami ñuca shungupi cushichishcangui. Chashnami ñucaca cambac ñahuipi alli ricurishcani— nirca.

ISAÍAS 40:2

Jerusalenpi causaccunaman sumacta huillashpaca: “Cancunapac juchacunata perdonana huatacunaca ñami pactamushca. Cancunapac juchacunamantaca ñami chaupi yalli llaquihuan Mandac Diosca llaquichishca” nichic» ninmi.

EZEQUIEL 20:35

Llactacunapac shitashca pambaman pushamushpami ñahui ñahui tiyarishpa cancunataca llaquichisha.