OSEAS 14:7 - Dios Rimashcata Quillcashcami

⁷ Paicuna cutimushpaca yura ucupimi llanduringa. Chaipica trigo huiñac shina, sisacuc uvas yura shinami canga. Líbano urcumanta vino shinami mishquilla ashnanga» ninmi.

OSEAS 14:7 Referans Kwoze

SALMOS 91:1

Maijanpish jahua pachapi causac Diospi miticucca tucuita ruhuac Dios cuidashcami causan.

SAN JUAN 11:25

Shina nicpimi Jesusca: —Ñucami causaita cucpish, huañushcacunata causachicpish cani. Ñucata cricca huañushpapish causaringami.

ZACARÍAS 8:12

Ashtahuanpish paicunapacca cushi causaica muyuta tarpushca shinami canga. Uvaspish achcami pucunga, allpapipish achca granomi pucunga, jahua pachaca tamyatami cachanga. Chai tucui allicunataca maijan saquirishcacunamanmi cusha.

OSEAS 14:5

Ñucami israelcunapacca tamya shina casha. Paicunaca lirio sisa shinami canga. Líbano urcupi tiyac cedro yura shinami sapiyanga.

OSEAS 6:2

Ishcai punzha quipaca ñucanchicman causaita cungami. Quimsa punzha quipaca jatarishpami paipac ñaupapi causashun.

OSEAS 2:22

Chaimantami allpapica trigopish, uvaspish, olivospish pucunga. Tucui chai granocunaca Jezreelpacmi canga.

EZEQUIEL 17:23

Chai ramataca Israel llacta jatun urcupimi tarpusha. Chai ramacuna huiñashpaca granota pucushpami, sumac cedro yura tucunga. Tucuilaya zhutacuna shamushpami chai rama ucupi llanduringa.

ISAÍAS 61:11

Mandac Diosca allpapi huiñac yura shina, huertapi muyu urmashpa, llucshic shinami cashcata ruhuanatapish, alli nishca canatapish tucui llactacunapi ricuchinga.

CANTARES 6:11

Pugru pambapi huiñashca yuracunata, uvas huiñashcata, granada sisashcata ricungapacmi, nogal yuracunata tarpushca huertaman urai rircani.

CANTARES 2:3

Ñuca cuyashcaca mosocunapac chaupipica, sacha chaupipi manzana yura shinami. Cambac llandupi tiyarinataca yallitami munani. Chai yura pucushcaca ñuca shimipica mishquimari.

SALMOS 138:7

Yalli llaquicuna chaupipi puricucpipish canmi ñuca causaita cuidangui. Ñucata piñaccuna yallita piñaricpipish, cambac alli maquihuanmi misashpa quishpichingui.

SALMOS 85:6

Can acllashca ñucanchic canmanta cushicuchun, ¿manachu cutin causaita cugringui?

SAN JUAN 12:24

Trigo muyu allpapi mana urmashpa, mana huañushpaca paillami saquirin. Ashtahuanpish allpapi urmashpa, huañushpaca achcatami pucun. Chaica chashnatacmi can.

OSEAS 2:21

Chai punzhapica Mandac Dios ñuca jahua pachata mañacpica, jahua pachaca cai pacha mañashcata uyangami.

CANTARES 4:11

Ñuca cuyashca huarmilla, cambac shimimantaca bunga mishquimi llucshicun. Cambac callupica bunga mishquipish, lechepish tiyanmi. Cambac churanaca Libanomanta mishqui shinami ashnacun.