OSEAS 13:7 - Dios Rimashcata Quillcashcami

⁷ Chaimantami ñucaca cancunapacca león shina casha. Leopardo shinami ñanpi muyushpa llaquichisha.

OSEAS 13:7 Referans Kwoze

OSEAS 5:14

Ñucaca Efraín aillutaca león shinami llaquichisha. Judá llactapi causaccunataca huahua león shinami apasha. Ñucallatacmi paicunataca apa risha. Ñuca maquimanta cacharichicca pi mana tiyangachu.

JEREMÍAS 5:6

Chaimantami paicunataca sachapi causac leoncuna huañuchinga. Shitashca pambapi causac atuc shamushpami tucuchinga. Leopardomi paicunapac llacta muyundipi shayacunga. Maijanpish chaimanta llucshictaca japishpami micunga. Paicunaca yallitami Diosta mana cazushpa, juchata ruhuashca» nircani.

LAMENTACIONES 3:10

Mandac Diosca oso chapacuc shina, león pacallapi chapacuc shinami carca.

AMÓS 3:8

León huacacpica, ¿pitac mana mancharinga? Mandac Dios rimacpica, ¿pitac mana huillanga?

AMÓS 3:4

Leonca, ¿sachapi manarac animalta japishpaca huacangachu? Huahua leonca, ¿jutcupi mana aicha tiyacpica huacangachu?

AMÓS 1:2

Amosca: «¡Sión urcumanta, Jerusalenmantami Mandac Diosca león huacac shina caparishpa uyaringa! Michinapish mana tiyangachu. Carmelo urcupish chaquingami» nirca.

ISAÍAS 42:13

Mandac Diosca sinchita macanacuc jatun soldado shinami, tucuchina yuyaihuan shayaringa. Paita piñaccunahuanca caparishpa, sinchita rimashpami manchachishpa mishanga.

APOCALIPSIS 13:2

Chai ñuca ricushca manchana animalca leopardoman ricchami carca. Chaquica osopac chaqui shina, shimica leonpac shimi shinami carca. Dragonmi pai shina mandashpa tiyarinatapish, poderyuc canatapish, shinallatac mandanatapish chai manchana animalman curca.

JOB 10:16

Ñuca umata alzacpica, leonta shinami japingui. Chashna japishpaca ñucapimi, jatun mancharinacunata ruhuangui.

JEREMÍAS 25:38

Mandac Dios yallita piñarishpa llaquichicpi, paicunapac llactata llaquinayaita tucuchicpimi, huahua león paipac jutcuta shitashpa ric shina, llactata shitashpa rirca.