OSEAS 13:4 - Dios Rimashcata Quillcashcami

⁴ Mandac Diosca: «Ñucaca Egiptomanta llucchimushca punzhamanta pachami cancunata Mandac Dios cani. Ama ñucapac randi, shuctac diosta charinguichicchu. Shinallatac shuctac quishpichictapish ama charinguichicchu. Ashtahuanpish ñucallami Dios cani.

OSEAS 13:4 Referans Kwoze

OSEAS 12:9

Ñucaca Egiptomanta llucchimushca punzhamanta pachami cancunata Mandac Dios cani. Cancunataca fiesta punzhacunapi shinami, carpa huasicunapi causachun saquisha.

ISAÍAS 43:3

Ñucami Mandac Dios cani. Quishpichic, israelcunapac jucha illac Diosmi cani. Cancunata quishpichingapacca Egiptopi causaccunatami curcani. Etiopía, Seba llactacunapi causaccunatami cancunapac randi curcani.

HECHOS 4:12

Cai pachapi causaccunata quishpichichunca, Jesusllatami Diosca cacharca. Ñucanchicta quishpichicca, pi shuctac mana tiyanchu— nirca.

2 REYES 18:35

¿Chai llacta dioscunamantaca maijan Diostac paicunapac llactata ñuca maquimanta cacharichishca? Chashna cacpica, ¿ima shinatac Mandac Diosca Jerusalentaca ñuca maquimanta cacharichinga?” ninmi» nirca.

OSEAS 2:15

Chaipimi paipac uvas chagrataca cutichisha. Chaipimi Acor pugru pambataca cushicushpa, shuyana pambata ruhuasha. Chashna ruhuacpimi, huambrarac cashca punzhacunapi shina, Egipto llactamanta llucshimui punzhapi shina cantanga.

OSEAS 2:20

Tucuita pactachingapacmi canhuan cazarasha. Shina ruhuacpimi, Mandac Dios ñucata ricsingui.

OSEAS 11:1

Mandac Diosca: «Israelcunataca huambrarac cacpimi, yallita cuyarcani. Ñuca churitaca Egiptomantami cayarcani.

OSEAS 12:10

Mandac Diosca: «Ñuca ima nishcata huillaccunaman huillachishpami, ñuca huillashcataca yallita huillarcani. Paicunahuanmi chimbapurashca parlanacunahuan huillachircani.

JONÁS 2:10

Mandac Dios challuata Jonasta allpaman llucchichun nicpica, llucchi shitarcallami.