OSEAS 13:10 - Dios Rimashcata Quillcashcami

¹⁰ Cancunapac llactacunata quishpichingapacca, ¿maipitac cancunapac jatun mandacca? Cancunaca: “Shuctac mandaccunata cui” nishpami mañarcanguichic. ¿Maipitac chai mandaccunaca?

OSEAS 13:10 Referans Kwoze

OSEAS 8:4

Paicunaca manapish ñuca acllashca jatun mandaccunatami churarca. Shuctac mandaccunata churashcatapish ñucaca mana yachashcanichu. Paicunallatac llaqui tucungapacmi cullquimanta, curimanta dioscunata ruhuarca.

OSEAS 10:3

Chaimantami paicunaca: «Mandac Diosta mana manchashcamantami ñucanchicca jatun mandacta mana charinchic. Jatun mandac tiyashpapish, ¿imatatac ñucanchicmanta ruhuai pudingayari?» ningami.

SAN JUAN 1:49

Shina nicpimi Natanaelca: —¡Yachachic, canca Diospac Churimi cangui, israelcunata Jatun Mandacpishmi cangui!— nirca.

ZACARÍAS 14:9

Mandac Diosmi tucui cai pachata jatun mandacca canga. Chai punzhapica Mandac Diosllami ricsishca canga. Paipac shutillami ricsishca canga.

OSEAS 13:4

Mandac Diosca: «Ñucaca Egiptomanta llucchimushca punzhamanta pachami cancunata Mandac Dios cani. Ama ñucapac randi, shuctac diosta charinguichicchu. Shinallatac shuctac quishpichictapish ama charinguichicchu. Ashtahuanpish ñucallami Dios cani.

JEREMÍAS 8:19

¡Ñuca llactapi causaccuna caparishcaca caru llactacamanmi uyarin! Mandac Diosca: «¿Manachu Sionpi? Sionta jatun mandacca, ¿manachu chaipi?» nirca. Chaimantami Mandac Diosca: «¿Ima nishpatac imamanpish riccha dioscunata, shuctac llacta yanga dioscunata adorashpa, ñucata piñachircanguichic?» nirca

JEREMÍAS 2:28

Judá llactapi causaccunalla, cancunaca achca dioscunatami charinguichic. ¿Chai dioscunaca maipitacyari? ¡Llaqui punzhacunapi, quishpichingapac jatarichun!

ISAÍAS 43:15

Mandac Dios ñucami, cancunapac jucha illac Dios cani. Israel llactata callarichic, cancunata Jatun Mandacmi cani» nin.

ISAÍAS 33:22

Mandac Diosmi ñucanchic juez. Mandac Diosllatacmi mandashcacunata cucca. Mandac Diosllatacmi ñucanchic Jatun Mandacca. Paillatacmi ñucanchicta quishpichin.

SALMOS 149:2

Israelcuna, cancunata ruhuac Dios-huan cushicuichicyari. Sión pueblopi causaccunapish cancunata jatun Mandac-huan cushicuichicyari.

SALMOS 89:18

¡Mandac Diosca ñucanchic jarcarina escudomi! ¡Ñucanchic Jatun Mandacca israelcunapac jucha illac Diosmi!

SALMOS 74:12

Shina cashpapish Dioslla, ñaupa punzhacunamantami ñuca jatun mandac cangui. Canmi cai pachapica jatun macanacuita atishpa quishpichic cangui.

SALMOS 44:4

Ñuca Dioslla, canca ñuca Jatun Mandacmi cangui. Jacobopac huahuacunata quishpichiyari.

SALMOS 10:16

¡Mandac Diosca huiñaita jatun mandacmi! Paipac allpamantaca mana cazuccunaca chingaringami.

2 REYES 17:4

Ashtahuanpish Asiria llactata jatun mandacca Oseas pacalla parlanacuctami yacharca. Oseasca Egipto llactata jatun mandac Somanmi huillaccunata cacharca. Shinallatac Asiria llactata jatun mandacman huatanta impuestota cunatapish mana ashtahuan curcachu. Chaimantami jatun mandacca paita prezushpa carcelpi churarca.

1 REYES 12:20

Chai quipami Jeroboam Egiptomanta cutimushcata tucui israelcuna yachac chayashpaca, paicuna tandanacushcaman cayachishpa, tucui israelcunata jatun mandac cachun churarca. Davidpac huahua huahuapura mandacuc-huanca Judá aillullami saquirirca. Caishuc Israel aillucunaca tucuimi chicanyarcacuna.

OSEAS 3:4

Unaitami israelcunaca jatun mandactapish, quipa mandactapish mana charinga. Shinallatac rumi dioscunapish, efod nishcapish, Terafín dioscunapish, Diosman animalta cushpa huañuchinapish mana tiyangachu.

OSEAS 7:7

Tucui paicunami rupacuc horno shina, paicunapac juezcunataca tucuchirca. Jatun mandaccunapish tucuimi huañurca. Paicunapurapica shucllapish ñucata mañacca mana tiyanchu.

1 SAMUEL 8:7

Mandac Diosca: «Israelcuna imata mañashcataca ruhuailla. Paicunaca mana cantachu mana valichincuna, ashtahuanpish ñucatami yangapi churashpa, paicunata ama ashtahuan ñuca mandachun shuc mandacta charishun nincuna.

LAMENTACIONES 4:20

Mandac Dios aceitehuan cahuishca jatun mandactapish prezu apancunami. Paica ñucanchicman causaita cuc shinami carca. Ñucanchicca paimantaca: «Shuctac llactacunapac chaupipica paipac ladopimi causashun» nicmi carcanchic.