OSEAS 11:6 - Dios Rimashcata Quillcashcami

⁶ Paicunapac llactacunapi causaccunataca espadahuan tucui huañuchishpami, jarcashca pircacunatapish polvonga. Paicuna mana allita yuyarishcamantami chashna tucuchinga.

OSEAS 11:6 Referans Kwoze

OSEAS 13:16

Samaria llactapi causaccuna paicunapac Mandac Diosta mana cazushcamantami tucuchishca canga. Paicunataca espadahuanmi huañuchinga. Huahuacunataca ñutuchishpami shitanga. Huicsayuc huarmicunataca huicsatami tucyachinga» ninmi.

OSEAS 10:14

Chaimantami cancunapac llactacunapica yallita caparinacui tiyanga. Tucui jatun torrecunami urmanga. Bet-arbel llactapi causaccunahuan macanacui punzhapi, jatun mandac Salmán mamacunatapish, paipac huahuacunatapish ñutuchishpa tucuchishca shinami tucuchinga.

OSEAS 10:6

Chai beci diostaca jatun mandacman cungapacmi Asiria llactaman apanga. Efraín ailluca pingaichishcami canga. Israelcunaca mana alli yuyaita cushcamantami pingai tucunga.

MALAQUÍAS 4:1

Mandac Diosca: «Rupacuc horno shina punzhami ña chayamucun. Chai punzhapica jatun tucushpa puriccunapish, mana allita ruhuaccunapish chaquishca ucsha shinami rupanga. Chai rupacuc punzha chayamushpami rupachishpa, sapillatapish, shuc ramallatapish mana saquishpa rupachinga.

MIQUEAS 5:11

Cancunapac llacta pueblocunatapish, torrecunatapish tucui urmachishpami tucuchisha.

EZEQUIEL 20:47

Neguev pambapi tiyac sachataca: “¡Mandac Diospac rimashcata uyaichic! Mandac Diosca: Riquichic, ñucami ninata japichishpa, verdinlla yuracunatapish, chaquishca yuracunatapish tucui rupachigrini. Chai ninaca mana huañungachu, ashtahuanpish ura ladomanta, jahua ladocamanmi gentecunapac ñahuita rupachinga.

JEREMÍAS 5:17

Paicunami cancunapac granotapish, ovejacunatapish, huagracunatapish, uvas chagracunatapish, higo yuracunatapish tucuchishpa, cancunapac churicunatapish, ushicunatapish micunga. Chashna ruhuashpami, cancuna shunguta churashpa, causana muyundita pircashca llactacunatapish espadacunatapish tucuchinga» ninmi.

ISAÍAS 30:1

Mandac Diosca: «¡Aij, ñuca yuyaita cushcata mana chasquishpa, ñucamanta anchuriccunalla! Paicunaca manapish ñuca Espíritu yuyaita cucpimi, paicunallatac ari nincuna. Chashnami yallita juchallishpa catincuna.

ISAÍAS 27:10

Muyundita pircashca llactataca llaquinayaitami tucuchishca. Achca carpa huasicunaca shitashcami saquiringa. Chaipimi becicunata michincuna. Chai vecicunami yura ramacunata micushpa tucuchinga.

ISAÍAS 18:5

Cosecha punzhacuna manarac chayacpi, sisa ña urmashpaca uvasmi pucun. Chai quipami pitina cuchillohuan ramacunata pitishpa anchuchinga.

ISAÍAS 9:14

Chaimantami Mandac Diosca israelcunataca animalta umata, chupata pitic shina, shuc yurata, ramacunandi pitic shina, shuc punzhallapi anchuchinga.

SALMOS 106:43

Chai llaquicunamantaca tauca cutinmi Diosca quishpichirca. Shina cacpipish pai cunashcataca mana cazurcacunachu. Ashtahuanpish paicunallatac millaita ruhuashcamantami llaquinayaita causarcacuna.

SALMOS 106:39

Chashnami paicunaca mana allita ruhuashpa mapayarcacuna. Chai ruhuashcacunahuanmi huainayashca shina tucurcacuna.

DEUTERONOMIO 32:25

Canzhapica espadacunahuan tucuchinga. Ucupica yalli manchaimi tucuchicunga. Chashnami mosocunatapish, solteracunatapish, chuchucuc huahuatapish, yuyaccunatapish tucuchinga.

DEUTERONOMIO 28:52

Chai gentecunaca tucui cancuna causana llactacunata jarcachishca jatun pircacuna, tucui urmangacamanmi muyunacunga. Chai jarcachishca pircacunahuanca cushillami carcanguichic. Mandac Dios cushca tucui cancunapac llactacunatapish, llactacunatapishmi muyunacushpa shayacunga.

LEVÍTICO 26:33

Cancunataca espadahuan llaquichishpami caita chaita catishpa cachasha. Cancunapac causana llactaca shitashcami saquiringa. Cancunapac causana pueblocunapish llaquinayaitami tucuchishca saquiringa.

LEVÍTICO 26:31

Cancuna causana llactacunataca shitashcatami saquisha. Cancunapac altarcunatapish chingachishami. Cancunapac mishquilla ashnacuc inciensotapish mana chasquishachu.

JEREMÍAS 50:35

Babilonia llactapi causaccunatapish, caldeocunatapish espadahuanmi huañuchingapac shamunga. Paicunata mandaccunatapish, paicunapac yachaccunatapish llaquichingami.

LAMENTACIONES 2:9

Llacta pungucunatapish tigrachishpami, aldabacunatapish polvorca. Jatun mandaccunapish, shuctac mandaccunapish shuctac llactapimi prezu causacun. ¡Mandac Dios mandashcapish mana tiyanchu! Dios ima nishcata huillaccunapish Mandac Dios muscuipi shina ricuchishcata mana huillanchu.

OSEAS 4:16

Israelcunaca quita vaquilla shinami mana cazun. ¿Cunanca Mandac Diosca malta ovejacunata shinachu, jatun pambapi michinga?

OSEAS 4:17

Efraín ailluca yanga dioscunatami mañai callarishca. ¡Paitaca saquilla!

AMÓS 6:8

Tucuita ruhuac, tucuita Mandac Dios paipac shutipi ari nishpaca: «Jacobopac jatun tucushca huahua huahuacunataca mana ricunayachinichu. Mandashpa tiyana huasicunatapish millanayanmi. Chaimantami chai llactataca chaipi tucui tiyaccunandi, paicunata piñaccunapac maquipi churasha» ninmi.

LEVÍTICO 26:25

Ñucahuan ari nishcata mana cazushcamantaca ñucapish chashnallatacmi cancunataca espadahuan llaquichiccunata cachashpa llaquichisha. Chai llaquimanta cancunapac llactapi miticugricpipish, jatun ungüita cachashpami, cancunata piñaccunapac maquipi churasha.