OSEAS 11:4 - Dios Rimashcata Quillcashcami

⁴ Ñucaca, paicunataca cuyac shunguhuanmi pusharcani. Cungamanta yugota anchuchic shinami, paicunata samachircani. Llullu huahuata shinami cuyaihuan ñucapacman pushamushpa, micunatapish cumurishpa cararcani.

OSEAS 11:4 Referans Kwoze

SAN JUAN 12:32

Caspipi jahuaman huarcushca cashpami, tucuita ñucapacman pushamusha— nirca.

LEVÍTICO 26:13

Ñucaca cancunata Mandac Diosmi cani. Ñucami cancuna ama ashtahuan servishpa catichun, Egipto llactamanta llucchimurcani. Mana manchashpa causachunmi, chai llactapi huatashca shina causaimanta cacharichircani.

2 CORINTIOS 5:14

Cristo tucuimanta huañushcata yachashcamanta pachami, paipac cuyaica ñucanchicman yuyaita cun. Cristo huañushcamantami tucui mashna huañushca shina canchic.

OSEAS 2:8

Paica ñucallatac trigota, llullu vinota, aceiteta cuc cashcataca cungarircami. Ashtahuanpish ñuca cushca cullquita, curitaca Baal diosmanmi curca.

ISAÍAS 63:9

Paicuna llaquilla japicpica, paipish llaquillami tucurca. Paica, mana paipac angelta cachashpachu quishpichirca. Ashtahuanpish pai llaquishcamanta, yallita cuyashcamantami quishpichishpa pushamurca. Chashnami sarun huatacunapi shina, tucui punzhacunapi jatarichishpa pushamurca.

CANTARES 1:4

Ñucata pushaiyari. Cantaca catishpa callpashunllami. Jatun mandacmi paipac huasiman aparca. ¡Canhuanca yallita sumacta cushicushun! Can cuyashcataca, vinotapish yallimi yuyaricushun. Chaimantami cantaca cuyancuna.

SALMOS 105:40

Paicuna mañacpica codorniz animalcunatami cacharca. Shinallatac jahua pachata tandatami mana nicta cararca.

2 SAMUEL 7:14

Ñucaca paipac taitami casha. Paica ñuca churimi canga. Pai mana allita ruhuacpica, shuc taita churita varahuan llaquichic shinami llaquichisha. Huañuna aichayuc runacuna shinami llaquichisha.

ÉXODO 16:32

Moisesca: —Mandac Diosca: “Ñuca Egipto llactamanta llucchishpa, shitashca pambapi carashca tandata shuc gomer jundata pallashpa, cancunapac huahua huahuacuna ricuchun huacaichichic” nishpami mandarca— nirca.

DEUTERONOMIO 32:12

Mandac Diosllami pusharca. Pihuan chimbapurangapacca shuctac dioscunaca mana tiyanchu.

DEUTERONOMIO 32:14

Vaca leche mantequillatapish, oveja lechetapish, maltón oveja huirahuan, cari oveja huirahuanmi cararca. Basanmanta cari chivohuan, tucuimanta yalli alli trigohuanmi cararca. Sumac uvas vinotami ubiachirca.