OSEAS 11:11 - Dios Rimashcata Quillcashcami

¹¹ Egiptomanca volac animalcuna shinami, chucchushpa ñucapacman shamunga. Asiria llactamantaca paloma shinami shamunga. Paicunataca, paicunapac huasicunallapitacmi causachun saquisha» ninmi. Chaitaca Mandac Diosmi nin.

OSEAS 11:11 Referans Kwoze

ISAÍAS 11:11

Mandac Dios pai acllashcacunata paipac maquita alzashpa Asiriamanta, Egiptomanta, Patrosmanta, Etiopiamanta, Elammanta, Sinarmanta, Hamatmanta, mama cucha patapi tiyac llactacunamanta cutichimui punzhacunapipish chashnallatacmi tucunga.

ISAÍAS 60:8

¿Pitac puyu shina volashpa shamucun? ¿Picunatac palomacuna ventanaman yaicuc shina yaicumun?

ZACARÍAS 10:10

Ñucami paicunataca Egiptomanta pushamusha. Asiria llactamantapish tandachimushami. Paicunataca Galaad, Líbano llactacunamanmi pushamusha. Chai llactacunaca paicunaman mana pactangachu.

OSEAS 7:11

Efraín ailluca paloma shinami imatapish mana yachac tucushca. Chaimantami Egiptopi causaccunatapish, Asiria llactapi causaccunatapish ayudachun mañan.

ABDÍAS 1:17

Ashtahuanpish Sión urcupica, maijan quishpirishcacuna tiyangaracmi. Chai urcuca Diospaclla chicanyachishcami canga. Jacobopac huahua huahuacunapish paicunapac allpataca cutinmi japinga.

OSEAS 3:5

Chai quipami, israelcunaca cutishpa, paicunata Mandac Diostapish, jatun mandac Davidtapish yuyaringa. Tucuri punzhacunami allita japingapac Mandac Diospacman chucchushpa cuchuyanga.

EZEQUIEL 37:25

Ñucata servic Jacoboman cushca, ñaupa taitacuna causana llactapimi causanga. Chaipimi paicunapish, huahuacunapish, nietocunapish huiñaita causanga. Ñucata servic Davidmi huiñaita paicunapac jatun mandac canga.

EZEQUIEL 37:21

“Mandac Diosca: Shuctac llactaman rishca tucui israelcunatami tandachishpa, paicunapac llactallaman cutichimusha.

JEREMÍAS 31:12

Paicunaca Sión urcuman rishpami, yallita cushicushpa cantanga. Ñuca bendiciashca micunata, vinota, aceiteta, ovejacunata japingapacmi callpamunga. Paicunaca parcurishca huerta shinami cushilla causanga. Jaicapi ima llaqui mana tucungachu.

EZEQUIEL 34:27

Pambapi tiyac yuracunapish pucungami. Allpapipish alli granomi pucunga. Paicunapac llactapica imatapish mana manchashpami causanga. Paicuna huatashca shina causaimanta llucchicpi, servichishpa charicuccunapac maquimanta cacharichicpimi, ñucataca Mandac Dios cashcata yachangacuna.

EZEQUIEL 34:28

Shuctac llactapi causaccunapish ña mana ashtahuan servichishpa llaquichingachu. Cai allpapi tiyac millai animalcunapish mana micungachu. Pipish mana llaquichingachu. Chaimantami imata mana manchashpa causanga.

ZACARÍAS 8:7

Tucuita Mandac Diosca: Ñuca acllashcacunataca inti llucshina ladomanta, inti tigrana ladomantami quishpichimusha.

ZACARÍAS 8:8

Chashnami Jerusalén chaupipi causachun churasha. Paicunaca ñuca acllashcacunami canga. Ñucapish paicunapacca cashcata nic, cashcata ruhuac Diosmi casha» ninmi.