OSEAS 11:1 - Dios Rimashcata Quillcashcami

¹ Mandac Diosca: «Israelcunataca huambrarac cacpimi, yallita cuyarcani. Ñuca churitaca Egiptomantami cayarcani.

OSEAS 11:1 Referans Kwoze

SAN MATEO 2:15

Mandac Dios ñaupa huillacman huillachishca pactachunmi, chai llactapi Herodes huañungacaman causarcacuna. Pai huillachishpaca: «Egipto llactamantami ñuca Churitaca cayarcani» nishcami carca.

ÉXODO 4:22

Chaimanta Faraontaca: “Mandac Diosca: ‘Israelca ñuca punta churimi.

OSEAS 13:4

Mandac Diosca: «Ñucaca Egiptomanta llucchimushca punzhamanta pachami cancunata Mandac Dios cani. Ama ñucapac randi, shuctac diosta charinguichicchu. Shinallatac shuctac quishpichictapish ama charinguichicchu. Ashtahuanpish ñucallami Dios cani.

OSEAS 2:15

Chaipimi paipac uvas chagrataca cutichisha. Chaipimi Acor pugru pambataca cushicushpa, shuyana pambata ruhuasha. Chashna ruhuacpimi, huambrarac cashca punzhacunapi shina, Egipto llactamanta llucshimui punzhapi shina cantanga.

JEREMÍAS 2:2

«Jerusalenpi causaccunaman huillashpa, Mandac Diosca: “Ñucaca canta yuyarinimi. Cunan huiñai cashpaca, allimi cazurcangui. Cunanlla cazarashca shinami, ñucata cuyarcangui. Chaimantami ima mana pucuc shitashca pambatapish ñucata catimurcangui.

MALAQUÍAS 1:2

Mandac Dios israelcunataca: «Ñucaca cancunata cuyarcanimi. Chashna cuyacpipish cancunaca: “¿Ima shinatac ñucanchictaca cuyarcangui?” nircanguichicmi. ¿Manachu Esauca Jacobopac huauqui carca? Chashna cacpipish, Jacobollatami cuyarcani. Chaitaca Mandac Dios ñucami nini.

OSEAS 12:13

Mandac Diosca pai ima nishcata huillac runahuanmi israelcunataca Egiptomanta pushamurca. Chai huillac runatami paicunata cuidachun churarca.

EZEQUIEL 16:6

Ñucaca cambac ladota pasacushpami, yahuarpi llaquinayaita mapayashca siricucta ricurcani. Chashna ricucpimi cantaca: ‘¡Causari!’ nircani. Ari, cantaca yahuarlla cacta ricushpami: ‘¡Causari!’ nircani.

DEUTERONOMIO 7:7

Mandac Diosca mana shuctac llactacunamanta ashtahuan achca cashcamantachu acllarca. Ashtahuanpish cancunaca shuctac llactacunamanta ashtahuan uchillami canguichic.

OSEAS 12:9

Ñucaca Egiptomanta llucchimushca punzhamanta pachami cancunata Mandac Dios cani. Cancunataca fiesta punzhacunapi shinami, carpa huasicunapi causachun saquisha.

ÉXODO 4:23

Ñuca huahuacuna ñucata servingapac richun saqui. Mana richun saquicpica, punta cari huahuacunatami huañuchigrini’ ninmi” ningui— nirca.

SALMOS 129:1

Huambramanta pachami ñucataca yallita llaquichincuna Cunanca israelcuna:

JEREMÍAS 12:7

Ñuca acllashcacunatapish, ñuca acllashca llactatapish shitarcanimi. Ñuca yallita cuyashcacunataca paicunata piñaccunapac maquipimi churarcani.

OSEAS 10:15

Bet-elpi causaccunalla, cancuna yalli mana allita ruhuashcamantaca chashnallatacmi llaquichinga. Israelcunata jatun mandactaca manarac alli punzhayacpimi huañuchinga» ninmi.

ÉXODO 19:4

“Cunanmi Egipto runacunata ñuca imata ruhuashcatapish, chaimanta cancunata jatun angapac alaspi churac shina, pushamushcatapish ricunguichic.

DEUTERONOMIO 33:3

Pai acllashcacunataca cuyacunmi. Paipaclla cachun chicanyachishcacunataca cuidacunmi. Paicunaca can munashca shinami mandashcacunatapish cazurca.

ISAÍAS 43:4

Ñuca ñahuipica yalli valishcapish, alli nishcapish, cuyashcapishmi cangui. Chaimantami quishpichingapacca runacunatapish, shuctac llactacunatapish cuni.

EZEQUIEL 16:22

Chashna millaita ruhuacushpa, huainayacushpaca huambrarac cashpa, churana illac cashcatapish, yahuarpi mapayashca siricushcatapish mana yuyarircanguichu.