OSEAS 10:3 - Dios Rimashcata Quillcashcami

³ Chaimantami paicunaca: «Mandac Diosta mana manchashcamantami ñucanchicca jatun mandacta mana charinchic. Jatun mandac tiyashpapish, ¿imatatac ñucanchicmanta ruhuai pudingayari?» ningami.

OSEAS 10:3 Referans Kwoze

OSEAS 10:15

Bet-elpi causaccunalla, cancuna yalli mana allita ruhuashcamantaca chashnallatacmi llaquichinga. Israelcunata jatun mandactaca manarac alli punzhayacpimi huañuchinga» ninmi.

OSEAS 13:11

Ñuca yallita piñarishpami, jatun mandactaca cancunaman curcani. Chai mandactaca cancunallatac piñachicpimi, quichurcani.

OSEAS 10:7

Samaria llactata jatun mandacca yacupi huambucuc puscu shinami chingaringa.

SAN JUAN 19:15

Shina nicpipish paicunaca: —¡Chacatailla, chacatailla!— nishpami caparircacuna. Shina caparicpimi Pilatoca: —¿Cancunata Jatun Mandactachu chacatachun ninguichic?— nirca. Shina nicpimi, curacunata mandac curacunaca: —Jatun mandac Cesarllatami charinchic. Shuctac mandactaca mana charinchicchu— nirca.

MIQUEAS 4:9

Cunanca, ¿ima nishpatac yallita caparinguichic? ¿Manachu jatun Mandacta charinguichic? ¿Cancunata cunac runachu huañurca? ¿Shuc huarmita sajuarina nanai japic shinachu, cancunatapish nanai japirca?

OSEAS 3:4

Unaitami israelcunaca jatun mandactapish, quipa mandactapish mana charinga. Shinallatac rumi dioscunapish, efod nishcapish, Terafín dioscunapish, Diosman animalta cushpa huañuchinapish mana tiyangachu.

GÉNESIS 49:10

Judá, cambac mandana varataca pi mana quichungachu. Varataca chasquingacamanmi charicunguilla. Cantaca tucui gentecunami cazunga.

OSEAS 11:5

Paicuna ñucapacman mana cutinata munashcamantami Egipto llactamanca mana cutinga. Ashtahuanpish Asiria llactapi causaccunami paicunata jatun mandac tucunga.

1 SAMUEL 12:25

Ashtahuanpish mana allita ruhuashpa catishpaca cancunapish, cancunata jatun mandacpish huañunguichicmi— nirca.

SALMOS 12:4

Chaicunaca: «Ñucanchictaca pi mana upallachingachu. Ñucanchic rimaihuanca mishashunllami. ¿Pitac ñucanchictaca mandanga?» nincunami.

ISAÍAS 5:19

Paicunaca: «Dios munashcataca ñucanchic ricungapac utca ruhuaiyari. Ñucanchic ricsingapac israelcunapac jucha illac Dios yuyarishcataca ruhuailla» nincunami.

2 REYES 15:13

Judá llactata jatun mandac Azarías quimsa chunga iscun huatata mandacucpimi, Jabespac churi Salumca Israel llactata mandai callarirca. Paica shuc quillatami Samaria pueblopi mandarca.

SALMOS 118:9

Jatun mandaccunapi shunguta churanapac randica, Mandac Diospi shunguta churashpa causanami ashtahuan alli.

OSEAS 13:10

Cancunapac llactacunata quishpichingapacca, ¿maipitac cancunapac jatun mandacca? Cancunaca: “Shuctac mandaccunata cui” nishpami mañarcanguichic. ¿Maipitac chai mandaccunaca?