OSEAS 10:2 - Dios Rimashcata Quillcashcami

² Israelcunaca ishcai shungumi. Chaimantami cunanca juchanchishca canga. Mandac Diosmi paicunapac altarcunatapish, yanga dioscunatapish ñutuchishpa tucuchigrin.

OSEAS 10:2 Referans Kwoze

MIQUEAS 5:13

Rumimanta ruhuashca dioscunatapish, imaman ricchac dioscunatapish cancunapac chaupillapitacmi tucuchisha. Shina ruhuacpimi, cancuna ruhuashca dioscunapac ñaupapica mana ashtahuan cumuringuichic.

1 REYES 18:21

Chashna tandachicpimi, gentecunapac ñaupaman Elías cuchuyashpaca: —¿Ima horascamantac cancunaca cashna ishcai yuyaihuan causagringuichic? Mandac Dios, Dios cacpica, paita catichicyari. Mana cashpaca Baal dios cacpica, paita catichicyari— nirca. Shina nicpica, gentecunaca imata mana nircachu.

SANTIAGO 4:4

¡Aij, Diosta mana cazuc gentecunalla! Cai pachapaclla caccunata cuyacca, Diostaca piñanmi. Chaitaca, ¿manachu yachanguichic? Maijanpish cai pachapaclla caccunata cuyasha niccunaca, Diosta piñaccunami tucun.

SANTIAGO 1:8

Chashna mana shuc yuyailla cac runaca tucui causaipimi mana alli causan.

SOFONÍAS 1:5

Huasi jahuacunapi cungurishpa, lucerocunata mañaccunatapish, ñucata adorashpa ñuca shutipi, Milcom diospac shutipi, ari niccunatapish tucuchishami.

SAN LUCAS 16:13

Maijan servicpish ishcai amotaca mana servi pudinchu. Shuc amotaca piñangami, caishuc amotaca cuyangami. Mana cashpaca, shuc amotaca cazungami, cutin caishuc amotaca mana cazungachu. Chashnallatacmi maijanpish charicyana yuyailla cashpaca, Diostaca mana servi pudin» nirca.

SAN MATEO 6:24

Maijanpish ishcai amotaca mana servi pudinchu. Chaica, shuc amotaca piñangami, caishuctaca cuyangami. Shuc amo mandashcataca cazungami, cutin caishuc amo mandashcataca mana cazungachu. Chashnami maijanpish charicyana yuyailla cashpaca, Diostaca mana servi pudinga.

ZACARÍAS 13:2

Tucuita Mandac Diosca: «Chai punzhapica cai llactapi tiyac ruhuashcalla dioscunapac shuticunataca tucuitami anchuchisha. Chai dioscunataca mana ashtahuan yuyaringacunachu. Llulla huillaccunatapish, mapayachic espiritutapish cai llactamanta anchuchishami.

OSEAS 13:16

Samaria llactapi causaccuna paicunapac Mandac Diosta mana cazushcamantami tucuchishca canga. Paicunataca espadahuanmi huañuchinga. Huahuacunataca ñutuchishpami shitanga. Huicsayuc huarmicunataca huicsatami tucyachinga» ninmi.

OSEAS 7:8

Efraín ailluca shuctac llactacunahuanmi chapurishca. Shuc ladollata cusashca torta shinami tucushca.

JEREMÍAS 43:13

Egipto llactapi tiyac Bet-semes llactapi rumi dioscunata paquishpa, huasicunataca rupachishpami saquinga” ninmi ningui» nirca.

ISAÍAS 44:18

Chai runacunaca mana yachanchu, mana entendinchu. Mana ricunchu, ñahuica huichcashcami. Shungupish tutayashca cashpami imata mana entendin.

1 SAMUEL 5:4

Shinallatac cayandi tutamanta cutin yaicucpipish, Dagón diosca Mandac Diospac Arca ñaupapimi cutin urai singa urmashpa siricushca carca. Dagón diosca cungamanta uraillaman saquirishca carca. Paipac uma, rigracunaca paquirishpami pungu umbralpi siricushca carca.

1 JUAN 2:15

Cai pachatapish, cai pachapi ima tiyashcacunatapish ama cuyaichicchu. Maijanpish cai pachapaclla caccunata cuyacca, Diostaca mana cuyanchu.

OSEAS 3:4

Unaitami israelcunaca jatun mandactapish, quipa mandactapish mana charinga. Shinallatac rumi dioscunapish, efod nishcapish, Terafín dioscunapish, Diosman animalta cushpa huañuchinapish mana tiyangachu.

OSEAS 12:11

Galaad llactapi causaccunaca ruhuashcalla dioscunata alli nishpami causan. Gilgal llactapica huagracunata chai dioscunaman cushpami huañuchirca. Paicunapac altarcunaca yapushca pambapi rumita montón shinami canga» ninmi.

ÉXODO 23:24

Paicunapac dioscunapac ñaupapi ama cumuringuichu. Shinallatac ama servinguichu, ama paicuna shina mana allita ruhuanguichu. Ashtahuanpish diosman riccha rumicunataca ñutuchishpami chingachina cangui.

LEVÍTICO 26:30

Loma jahuapi tiyac altarcunatapish, ruhuashcalla dioscunatapish ñutuchishpa tucuchishami. Cancunataca huañuchishpami cancunapac huañushca dioscunapac jahuapi shitasha. Cancunataca millashami.

PROVERBIOS 11:18

Diosta mana manchac runa trabajashpa imata japishcaca yangallami. Ashtahuanpish tarpuc shina cashcata ruhuac runaca mana tucuriclla allicunatami japinga.

EZEQUIEL 14:5

Ruhuashcalla dioscunata adorangapac ñucamanta anchuric israelcunata paicunapac shungupi yuyachingapacmi chashnaca ruhuasha” ninmi ningui.