OSEAS 10:13 - Dios Rimashcata Quillcashcami

¹³ Cancuna tarpuc shina mana allita ruhuashpaca, mana allitami cosecharcanguichic. Shinallatac imapish pucushcata micuc shinami llullashcanguichic. Cancunaca, cancunapac ruhuashcapi, achca sinchi runacunapimi shunguta churashpa causashcanguichic.

OSEAS 10:13 Referans Kwoze

JOB 4:8

Mana allita tarpuccunaca mana allillatatac cosechactami ricushcani.

OSEAS 8:7

Paicunaca huairata tarpushpaca acapana huairatami cosechanga. Ima cosechanapish mana tiyangachu. Trigopish cutachingapac mana tiyangachu. Trigo pucucpipish, caru llacta runacunami micunga.

PROVERBIOS 22:8

Tarpuc shina mana allita ruhuacca mana allitatacmi tandanga. Paitaca varahuanmi tucuchinga.

PROVERBIOS 1:31

Paicuna millaita ruhuashpa causashcataca tarpushpa cosechac shinami japingacuna. Chashnami huicsa pactata micungacuna.

SALMOS 33:16

Pi jatun mandacpish achca soldadocunallahuanca mana quishpiri pudinchu. Jatun sinchi runapish pai fuerzata charishcallamantaca mana quishpiri pudinchu.

OSEAS 11:12

Efraín ailluca yallita llullashpami muyundita jarcashcata shina ruhuashca. Israelcunaca llullashpami tauca cutin umashca. Judá llactapi causaccunaca Mandac Dios-huan cariyashpami, paimanta caruyashca.

SALMOS 62:10

Ama imata quichuna, shuhuana yuyailla caichicchu. Imata yallita charishpapish ama chai charishcapi shunguta churaichicchu.

SALMOS 52:7

«¡Riquichic, chai runaca Diosta paipac jatun pirca shina jarcac cachunca mana chasquircachu! ¡Ashtahuanpish paipac charishcacunallapi shunguta churashpami, mana allicunallata ruhuashpa causarca!» ningacuna.

OSEAS 7:3

Paicunaca millaita ruhuashpami jatun mandacta cushichin. Cutin llullashpaca caishuc mandaccunatami cushichin.

ECLESIASTÉS 9:11

Inti achicyachicuc cai pachapica caitapish ricurcanimi: Jatun callpaipica mana sinchi callpaccunachu mishan. Macanacuipipish mana sinchicunachu mishan. Micunatapish mana yachaccunallachu micun. Mana yuyaisapacunallachu chayucyan. Mana allita rimaccunallachu alli nishca can. Ashtahuanpish tucuimanmi alli punzhapish, mana alli punzhapish shamun.

PROVERBIOS 19:5

Llullashpa huillac runaca llaqui tucungatacmi. Llullashpa puric runaca miticushpa mana ati pudingachu.

PROVERBIOS 12:19

Cashcata huillac runaca huiñaitami causanga. Ashtahuanpish llulla calluca ashacamanllami canga.

PROVERBIOS 13:2

Runaca allita rimashpaca allitami japinga. Ashtahuanpish mana cazuccunaca llaquimi tucunga.

ISAÍAS 17:11

Chai yuraca llaqui punzhapica chai punzhallatac huiñashpa, chai cayandi punzhapac jatunyashca cashpapish, tucui tucuringami. Maita mana jarcaipac jatun llaquimi tucuchinga.

OSEAS 4:2

Ashtahuanpish llaquichina, llullana, huañuchina, shuhuana, huainayana yuyaillami tiyan. Punzhantami huañuchin.

OSEAS 4:8

Curacunaca ñuca acllashcacuna juchamanta ofrendata cushcacunahuanmi causancuna. Chaimantami ashtahuan juchallichun munancuna.

1 SAMUEL 24:14

Israelcunata jatun mandaclla, ¿pitatac llaquichingapac shamurcangui? ¿Pitatac caticungui? ¿Huañushca allcutachu caticungui? ¿Piquitachu caticungui?