NÚMEROS 9:5 - Dios Rimashcata Quillcashcami

⁵ Chaimantami israelcunaca huata callari quilla, chunga chuscu punzha chishita Sinaí urcupi Pascua micuita ruhuarca. Chashnami israelcunaca Mandac Dios Moisesta mandashca shinallatac ruhuarca.

NÚMEROS 9:5 Referans Kwoze

JOSUÉ 5:10

Israelcunaca Gilgalpi carpacunata shayachishpa tiyacushpami punta quilla, chunga chuscu punzha chishi Jericó pueblo pambapi Pascua fiestata ruhuashpa, cushicushpa micurca.

HEBREOS 11:8

Crishcamantami Abrahampish Dios cayacpica, cazushpa Dios cusha nishca llactaman rirca. Paica maiman ricushcata mana yachashpapish llucshircallami.

HEBREOS 3:5

Moisesca Diospac huasipi tucuita cazuc servicmi carca. Chai shina ruhuashpami, Dios quipaman huillana cashcata ricuchicurca.

HECHOS 26:19

Jatun mandac Agripalla, ñucaca jahua pachamanta muscuipi shina ricuchishcatami cazurcani.

SAN JUAN 15:14

Cancuna ñuca mandashcacunata pactachishpaca, ñuca amigocunami canguichic.

SAN MATEO 28:20

Ñuca cancunaman mandashpa yachachishcacunata paicunapish cazuchun yachachinguichic. Ñucaca cai pacha tucuringacamanmi, cancunahuanca casha» nirca.

DEUTERONOMIO 4:5

Riquichic, ñucata Mandac Dios mandashca shinami mandashcacunatapish, yachachishcacunatapish cazuchun yachachini. Cancunaman cushca llactaman yaicushpa, pactachishpa causachunmi yachachircani.

DEUTERONOMIO 1:3

Egiptomanta llucshishca chuscu chunga huata, chunga shuc quilla, punta punzhapimi Moisesca israelcuna imata ruhuana cashcata Mandac Dios mandashca shinallatac huillarca.

NÚMEROS 29:40

Moisesca Mandac Dios mandashca shinallatacmi tucui israelcunamanca huillarca.

NÚMEROS 8:20

Moisespish, Aaronpish, tandanacushca israelcunapish Mandac Dios levitacunata imata ruhuachichun Moisesta mandashca shinallatacmi ruhuarca.

ÉXODO 39:42

Mandac Dios Moisesta mandashca shinallatacmi israelcunaca tucuita ruhuarca.

ÉXODO 39:32

Chashnami Dios-huan tupana huasita ruhuashpa tucuchirca. Mandac Dios Moisestaca mandashca shinallatacmi tucuita ruhuarca.

GÉNESIS 7:5

Shina nicpica, Noeca Mandac Dios nishca shinami tucuita ruhuarca.

GÉNESIS 6:22

Shina mandacpica, Noeca Dios nishca shinami ruhuarca.

NÚMEROS 9:4

Chashnami Moisesca israelcunataca Pascua micuita ruhuachun mandarca.

ÉXODO 12:50

Israelcunaca Mandac Dios Moisestapish, Aarontapish mandashca shinallatacmi tucuita ruhuarca.

NÚMEROS 1:54

Israelcunaca Mandac Dios Moisesta nishca shinallatacmi tucuita ruhuarca.