NÚMEROS 8:7 - Dios Rimashcata Quillcashcami

⁷ Paicunata mapa illacta ruhuangapacca cashna ruhuangui: Mapa illacta ruhuac yacuta paicunapac jahuapi chirapangui. Paicunapac cuerpotaca cuchillohuan aspishpa, churanatapish tacshachun mandangui. Chashna ruhuacpimi, paicunaca mapa illac tucunga.

NÚMEROS 8:7 Referans Kwoze

NÚMEROS 19:13

Maijanpish huañushcapi tuparishpa, mana armarishca cashpa ñucahuan tupana huasitami mapayachin. Chai runapac cuerpopi chai chuyayana yacu mana chayashca cashcamantaca israelcunapuramanta anchuchishcami canga. Chashna mana chuyayashcamantaca mapallatacmi saquiringa.

LEVÍTICO 8:6

Chai quipami Moisesca Aarontapish, paipac churicunatapish cayashpa, yacuhuan armachishpa,

APOCALIPSIS 7:14

Shina tapucpimi ñucaca: «Amito, canllatacmi yachangui» nircani. Shina nicpi paica: «Chaicunaca jatun llaquimanta mishaccunami, shinallatac Pactalla Ovejapac yahuarhuan paicunapac churanata tacshashpa yuranlla tucushcacunami.

1 PEDRO 3:21

Chai yacuca bautizarinatami ricuchicurca. Yacupi bautizarishpaca, Jesucristo huañushcacunapuramanta causarishcamantami, cunanca quishpirishca canchic. Bautizaricpica ima mapata mana anchuchinchu, ashtahuanpish mana alli yuyaicuna ama tiyachun Diosta mañana yuyaicunatami cun.

SANTIAGO 4:8

Diosman cuchuyaichic, paipish cancunapacman cuchuyangallami. Juchayuccuna, maquita jahuac shina millaita ruhuanata saquichic. Ishcai yuyaihuan caccunaca, shunguta allichichic.

HEBREOS 9:13

Huagracunapac, chivocunapac yahuar shinallatac, altarpi becita rupachishca uchupata millaita ruhuacpac jahuapi shic-huacpi jahuallata chuyayachicpica,

HEBREOS 9:10

Chaica micunapish, ubianapish, tucuilaya maillarinapish cuerpopac alli cashcatami ricuchin. Chai mandashcaca Dios shucta ruhuangacamanmi alli carca.

EZEQUIEL 36:25

Chaipimi chuya yacuhuan cancunapac juchacunata pichashpa, ruhuashcalla dioscunata adorashpa mapayashcatapish chuyayachisha.

JEREMÍAS 4:14

Jerusalenpi causaccunalla, cancuna quishpiringapacca cancunapac shungu mapayashcata maillarichicyari. ¿Ima horascamantac millaillata ruhuana yuyaihuan causagringuichic?

ISAÍAS 52:15

Chashnallatacmi quipaman paita ricushpaca, tauca llactacuna yallita mancharinga. Jatun mandaccunapish paipac ñaupapi mana imatapish rimai pudishpami upalla saquiringa. Paicunaca jaicapi pi mana ricushcata, mana uyashcatami ricunga, shinallatac entendinga.

SALMOS 51:7

Hisopu sachahuan pichayari, chaipica chuyami casha. Ñucataca jahuaiyari, can jahuapica rasutapish yalli yuranllami casha.

SALMOS 51:2

Ñuca mapata ruhuashcataca cutinpish cutinpish pichaiyari. Ñuca juchacunataca anchuchiyari.

NÚMEROS 31:20

Ima churanatapish, caramanta ruhuashca imallacunatapish, chivo millmamanta ruhuashca churanatapish, caspimanta ruhuashca ima charinacunatapish mapa illacta ruhuanguichic— nirca.

LEVÍTICO 16:28

Chaicunata rupachicpish armarishpa, churanata tacshanami can. Shina ruhuashpami carpa huasiman yaicunga.

LEVÍTICO 15:27

Maijanpish chai camapi, mana cashpaca tiyarinapi tuparicca mapami canga. Chaimanta armarishpa, churanata tacshanami can. Shina ruhuashpapish tutayangacamanmi mapa canga.

LEVÍTICO 15:6

Chai runa tiyarishcapi maijan tiyaricpish armarishpa, churanata tacshanami can. Shina ruhuashpapish tutayangacamanmi mapa canga.

ÉXODO 19:10

Chaimantami Mandac Dios Moisestaca: —Israelcunapacman rishpa cunanpish, cayapish ñucapaclla cachun, shinallatac paicunapac churanatapish tacshachun mandai.

GÉNESIS 35:2

Chaimantami Jacoboca paipac familiacunatapish, paihuan caccunatapish rimashpaca: —Cancunapurapi tiyac chican dioscunata anchuchichic. Chaimantaca armarishpa mushuc churanata churarichic.

NÚMEROS 8:21

Levitacunaca mapa illac tucungapacmi paicunapac churanatapish tacsharca. Chashna ruhuacpimi, Aaronca paicunataca Mandac Diosman ofrendata shina curca. Chaimantami paicunaca juchata pichachun Diosman ofrendata curca.