NÚMEROS 8:2 - Dios Rimashcata Quillcashcami

² «Aarontaca: “Candeleropi cac canchis lamparacunata japichishpaca, ñaupa ladota achicyachichun churangui” nishpa, mandangui» nirca.

NÚMEROS 8:2 Referans Kwoze

ÉXODO 25:37

Shinallatac canchis lamparacunata ruhuashpa, ñaupaman achicyachichun japichishpa churangui.

APOCALIPSIS 4:5

Chai jatun mandac mandashpa tiyarinamantaca relampacuna, rimashcacuna, shinallatac tulun nishcacunami llucshicurca. Shinallatac chai tiyarinapac ñaupapica canchis mechami japiricurca. Chaicunaca Diospac canchis Espiritumi.

APOCALIPSIS 1:20

Ñuca alli maquipi canchis lucerocunata charicushca, shinallatac canchis candelerocunata can ricushcaca caitami nisha nin: Canchis lucerocunaca, canchis pueblocunapi cac tandanacushca criccunapac angelcunami. Shinallatac canchis candelerocunaca, canchis pueblopi cac tandanacushca criccunami can» nirca.

APOCALIPSIS 1:12

Shina nicta uyashpami ñuca ricungapac tigrarishpaca, canchis curi candelerocunata ricurcani.

2 PEDRO 1:19

Chaita urcupi ricushcaca, Diosmanta ñaupa huillaccuna huillashca chashnatac cashcatami ricuchin. Chai huillaica tuta punzhayangacaman amsata achicyachic lámpara shina, shinallatac tutamanta achicyachic lucero llucshic shinami, cancunapac shungutaca achicyachicun. Chai huillaita cancuna alli uyashpaca, allimi ruhuanguichic.

SAN JUAN 1:9

Chai Achicyachicmi tucui gentecunata achicyachingapac cai pachaman shamurca.

SAN MATEO 5:14

Cancunaca cai pachapi causaccunapacca, luz shinami canguichic. Urcu jahuapi tiyac huasicunaca, mana pacallachu.

SALMOS 119:130

Can yachachishpa rimashcaca achicyachinmi. Imata mana yachaccunamanpish alli yuyaita cunmi.

SALMOS 119:105

Can rimashcaca ñuca chaqui sarunata achicyachicmi. Ñuca ñanta ricuchic luzmi.

LEVÍTICO 24:4

Mandac Dios ñucapac ñaupapi punzhanta achicyachichunca, alli curi candelerocunatami filapi churana can.

ÉXODO 40:25

Moisesca Mandac Dios mandashca shinallatacmi lamparacunataca Diospac ñaupapi japichirca.

ÉXODO 37:23

Canchis lamparacunatapish, mechata pitinacunatapish, uchupa tandanacunatapish alli curimantami ruhuarca.

ISAÍAS 8:20

¡Dios mandashcacunapi ricuichic! Chaipi mana chashna huillacucpica, amsa yuyaihuanmi canga.

NÚMEROS 8:1

Mandac Diosca Moisestaca:

NÚMEROS 8:3

Chaimantami Aaronca Mandac Dios Moisesta mandashca shinallatac lamparacunata japichishpa, ñaupa ladota achicyachichun churarca.

ÉXODO 39:37

alli curimanta ruhuashca candelerotapish, chaipi churana lamparacunatapish, chaipi imalla tiyaccunatapish, luzta japichina aceitetapish apamurcami.