NÚMEROS 8:17 - Dios Rimashcata Quillcashcami

¹⁷ Tucui israelcunapac punta churicunapish, animalcunapish tucuimi ñucapaclla can. Paicunataca ñuca Egipto llactapi punta churicunatapish, punta animalcunatapish huañuchicushpami, paicunataca ñucapaclla cachun chicanyachircani.

NÚMEROS 8:17 Referans Kwoze

ÉXODO 13:2

—Israelpurapi punta huacharishca cari huahuacunata ñucapacllata ruhuanguichic. Tucui punta huacharishca gentecunapish, animalcunapish ñucapacllami— nirca.

SAN LUCAS 2:23

Mandac Dios mandashcapica: «Tucui punta huacharishca cari huahuacunaca, Diospaclla chicanyachishcami canga» nishcamanta,

SANTIAGO 1:18

Diosca chai shina munashcamantami, cashcata nic alli huillaita huillashpa, ñucanchicmanca causaita curca. Tucui pai ruhuashcacunamanta ñucanchic punta cachunmi, chashnaca ruhuarca.

HEBREOS 11:28

Crishcamantami Moisesca Pascuata ruhuashpa, israelcunapac punta huahuacunata ángel ama huañuchichun, tucui pungucunapi yahuarhuan cahuirca.

HEBREOS 10:29

¡Ashtahuanpish Diospac Churita sarushpa, paipac jichashca yahuarta yangapi churashpa, Diospac cuyac Espirituta camishpa rimacca yalli llaquitami apanga! Chai yahuarmi mushuc ari ninacuita pactachin, shinallatac juchata pichan.

SAN JUAN 17:19

Paicunapish cashcata nic rimashcahuan cambaclla tucuchunmi, ñucapish paicunapac allipac cambaclla tucuni.

SAN JUAN 10:36

Diosca chicanyachishpami, ñucataca cai pachaman cacharca. ¿Chashna cashca jahuachu ñucataca: “Diospac Churimi cani” nishpaca, “Diostami piñachicun” ninguichic?

EZEQUIEL 20:12

Shinallatac paicunahuan ari nishcata yuyarichun, paicunata ñucapacllata ruhuac Mandac Dios cashcata yachachunmi samana punzhatapish curcani.

SALMOS 135:8

Paimi Egiptopi tucui punta huacharishca huahuacunatapish, animalcunatapish huañuchirca.

SALMOS 105:36

Chai llactapi tucui punta huacharishcacunatami huañuchirca. Chaica chai sinchirac cashpa charishca punta churicunatami huañuchirca.

SALMOS 78:51

Egipto llactapi punta huacharishcacunataca tucuimi huañuchirca. Chashnami Campac churicunapac carpa huasillapitac huañuchirca.

NÚMEROS 3:13

Egiptopi causaccunapac punta churicunata huañuchicushpami israelcunapac punta churicunataca ñucapac cachun acllashpa, mana huañuchircani. Chaimantami israelcunapac punta churicunatapish, punta animalcunatapish ñucapaclla cachun acllarcani. Ñucaca Mandac Diosmi cani» nirca.

LEVÍTICO 27:26

Tucui punta huacharishcaca Mandac Dios ñucapacmi. Chaimantami huagrapish, ovejapish ñucapaclla cachun mana chicanyachi pudinga.

ÉXODO 29:44

Ñucahuan tupana huasipish, altarpish ñucapaclla cachunmi ruhuashca. Aarontapish, paipac churicunatapish ñucata serviccuna cachunmi, ñucapacllata ruhuashca.

ÉXODO 12:29

Mandac Diosca Egipto llactapi punta huacharishca cari huahuacunataca chaupi tutami huañuchirca. Faraón mandashpa tiyana huasipi causacuc punta churimanta callarishpa, carcelpi tiyaccunapac punta churicunacamanmi huañuchirca. Shinallatac punta huacharishca cari animalcunatapish tucuimi huañuchirca.

NÚMEROS 8:18

Levitacunataca tucui israelcunapac punta churicunapac randimi acllarcani.