NÚMEROS 8:11 - Dios Rimashcata Quillcashcami

¹¹ Aaronca levitacunataca israelcunapac ofrendata shina ñucaman cunga. Chashna cucpimi, paicunaca Mandac Dios ñucata servinga.

NÚMEROS 8:11 Referans Kwoze

LEVÍTICO 7:30

Chaitaca quiquin maquihuanmi Mandac Diosman cushpa, rupachingapac apamunga. Chashnami cuyuchishpa cuchun pecho aichatapish, chaipi tiyac huiratapish Diospac ñaupaman apamunga.

NÚMEROS 6:20

Chaicunataca curallatacmi Mandac Diospac ñaupapi cuyuchishpa Diosman cunga. Chaicunaca Diospaclla chicanyarishca cashcamantami curapaclla canga. Diospac ñaupapi cuyuchishpa cushca pecho aichapish, alzashpa Diosman cushca rigra aichapish curapacllami canga. Chai quipami nazareo runaca vinota ubianga.

LEVÍTICO 8:29

Moisesca pecho aichata japishpami, cuyuchishpa Diosman curca. Chaica cuyuchishpa cushca ofrendami carca. Mandac Dios mandashca shinami, Diospaclla tucungapac cushca oveja aichaca Moisés japina carca.

LEVÍTICO 8:27

Chashnami Aaronpac maquipipish, paipac churicunapac maquipipish churarca. Paicunami cuyuchishpa, Mandac Diosman curca.

ÉXODO 29:24

Chaitaca Aaronpac shinallatac paipac churicunapac maquipi churangui. Shina churacpimi, paicunaca cuyuchishpa ñucaman cunga.

LEVÍTICO 7:34

Israelcuna ñucahuan alli tucungapac cushca animal pecho aichatapish, alzashpa cushca animalpac changa aichatapish ñucami chasquini. Chaitami Aaronmanpish, paipac churicunamanpish curcani. Cai mandashcacunaca israelcuna huiñaita pactachichun cushcami” ninmi ningui» nirca.

DEUTERONOMIO 10:8

Chai huatacunapimi Mandac Dios ari nishca quillcata huacaichina Arcata apachun, Levipac aillucunata chicanyachirca. Mandac Diosca paipac ñaupapi servichun, paipac shutita cunan punzhacaman alli nichunmi chicanyachirca.