NÚMEROS 6:13 - Dios Rimashcata Quillcashcami

¹³ Nazareo tucushca punzhacuna pactacpica, chai nazareoca cai mandashcacunatami ruhuana can. Dios-huan tupana huasi yaicunaman shamushpami,

NÚMEROS 6:13 Referans Kwoze

HECHOS 21:26

Chaimantami Pabloca cayandi punzha chai chuscu runacunata pushashpa, Diospac ñaupapi alli ricuringapac armaringapac rirca. Chashna ruhuashpaca, paicuna armarina punzhacuna ima punzha tucurina cashcata curacunaman huillangapacmi, Diosta mañana huasiman yaicurca. Chai punzhapimi ofrendata cuna carca.

HECHOS 21:23

Cunanca ñucanchic nishcata uyai. Ñucanchicpurapica Diospacta ruhuangapac ari nishca chuscu runacunami tiyan.

HECHOS 21:27

Canchis punzha tucugricucpimi, Asia llactamanta maijan israelcuna Pablotaca Diosta mañana huasipi ricurca. Chaimantami tucui gentecunata jatarichishpa, Pablota japircacuna.

NÚMEROS 6:12

Chai quipaca cutinmi nazareo tucushpa, Diospaclla chicanyarishpa causai callaringa. Chaipacca shuc huatayuc ima mana tucushca cari ovejatami huañushcapi tuparishpa juchallishcata pichachun Diosman cunga. Pai mapayashcamantaca ñaupa punzhacunapi nazareo tucushcaca yangami saquiringa.