NÚMEROS 4:5 - Dios Rimashcata Quillcashcami

⁵ Israelcuna shuc llactaman rigricpica, Aaronmi paipac churicunahuan pañota uricuchishpa, mandashcacunata huacaichina Arcata pilluchinga.

NÚMEROS 4:5 Referans Kwoze

HEBREOS 9:3

Quipa jarcachishca ucuca Diospaclla chicanyachishca ucumi carca.

SAN MATEO 27:51

Chai ratomi Diosta mañana huasi tiyac lienzoca, jahuamanta uraiman chaupita lliquirirca. Allpapish chucchurcami, jatun rumicunapish chictarircami.

HEBREOS 10:20

Jesucristo huañushpami, Diospaclla chicanyachishca ucuman yaicuna jarcashca pañota anchuchirca. Chashnami causaita cuc mushuc ñanta pascarca.

ISAÍAS 25:7

Cai urcupimi Mandac Diosca tucuita jahualla tapashpa, tiyacuctaca tucuchinga. Tucui llactacunapi causaccunapac ñahuita tapashca shina telatapish tucuchingami.

NÚMEROS 10:14

Ñaupataca Judá aillupac soldadocunami banderahuan llucshirca. Paicunataca Aminadabpac churi Naasonmi mandacurca.

NÚMEROS 4:15

Aarón paipac churicunahuan tucui ñucapaclla chicanyachishcacunata catashpa, shuc llactaman rigricpimi, Cohatpac churicunaca apangapac cuchuyanga. Shina apashpapish, ñucapaclla caccunataca mana tuparinachu can. Tuparishpaca huañungami. Caicunami Cohatpac churicuna ñucahuan tupana huasipi ruhuanaca can.

ÉXODO 40:3

Ñucahuan tupana huasipica ari nishca quillcata huacaichina Arcataca pañohuan catangui.

ÉXODO 36:35

Jarcachina pañotapish, azul, morado, sani puca pañota lino puchcamanta ahuashpami, chai jahuapica ishcai querubincunata bordarca.

ÉXODO 40:5

Dios ari nishca quillcata huacaichina Arca ñaupapica inciensota rupachina curi altarta churangui. Ñucahuan tupana huasiman yaicuna pungu ñaupapi pañocunata huarcungui.

LEVÍTICO 16:2

«Cambac huauqui Aarontaca ama ima horaspish pañohuan jarcashca huashapi cac mandashcacunata huacaichina Arcata catashca, ñucapaclla ucuman yaicuchun ningui. Chaiman ima horaspish yaicushpaca huañungami. Ñucaca chai catashca jahuapimi puyupi ricurisha.

NÚMEROS 4:4

Cohatpac churicunaca ñucahuan tupana huasipimi ñucapaclla chicanyachishca ucupi servinga.

NÚMEROS 7:9

Ashtahuanpish Cohatpac churicunamanca imata mana curcachu, paicunaca Diospaclla chicanyachishcata huandushpami apaccuna carca.

DEUTERONOMIO 31:9

Moisesca cai mandashcacunata quillcashpami Mandac Dios-huan ari nishca quillcata huacaichina Arcata apac Levipac huahua huahuacunamanpish, israelcunata pushac yuyaccunamanpish curca.

1 SAMUEL 6:19

Diosca Bet-semes pueblopi causaccunataca Mandac Diospac Arcata pascashpa ricushcamantami, canchis chunga runacunata huañuchirca. Chashna achcacunata huañuchicpimi, chai pueblopi causaccunaca yallita llaquirishpa huacarca.

1 CRÓNICAS 15:15

Levitacunapac huahua huahuacunami Arcataca Mandac Dios Moisesta mandashca shinallatac caspicunapi churashpa huandumurca.

1 CRÓNICAS 23:26

Levitacunaca Dios-huan tupana huasitapish, Diospacta ruhuangapac ima charinacunatapish mana ashtahuan maimanpish apangacunachu» nirca.

2 CRÓNICAS 3:14

Shinallatac cortinacunataca azul, morado, yana puca, lino telahuanmi ruhuarca. Chai telacunapipish querubincunatami bordarca.