NÚMEROS 35:25 - Dios Rimashcata Quillcashcami

²⁵ Tandanacushca israelcunami chai runataca ima shina huañuchishcata tucui taripashpa, huañucpac familiacunamanta miticuna llactaman cutichishpa cachanga. Chai huañuchic runaca aceitehuan cahuishca curacunata mandac cura huañungacamanmi chai llactapi canga.

NÚMEROS 35:25 Referans Kwoze

ÉXODO 29:7

Quipaca aceitehuan Aaronpac umapi cahuingui. Chashna ruhuacpimi, ñucapaclla saquiringa.

JOSUÉ 20:6

Chai runaca chaipi tucui tandanacushcapac ñaupapi taripangacaman, shinallatac chai punzhacunapi curacunata mandac cura huañungacamanmi, chai pueblopi causanga. Chai quipami chai miticushpa causacushca pueblomantaca paipac puebloman, paipac huasiman cutinga ningui» nirca.

LEVÍTICO 21:10

Cancunapuramanta aceitehuan cahuishca, shinallatac ñucapaclla chicanyachishca churanata churarishca mandac cura cashpaca, mana acchata cacharishcachu purina can. Churanatapish mana lliquirinachu can.

LEVÍTICO 4:3

Aceitehuan cahuishca cura juchallishpa, tucui israelcunata juchayucta ruhuashpaca, ima mana tucushca becitami chai juchata pichachun Mandac Diosman cuna can.

NÚMEROS 35:28

Chaimanta chai huañuchic runaca curacunata mandac cura huañungacaman chai miticuna llactallapitac causana can. Cura ña huañucpimi, pai causana llactaman cutinga.

LEVÍTICO 8:12

Moisesca Aaronpac umapi aceiteta tallishpami, Diospaclla curata ruhuarca.

NÚMEROS 35:24

tucui israelcuna tandanacushpa, ima shina chai huañui tiyashcata ricunga. Chashna tapushpaca, huañuchishcamantaca mandashcapi nishca shinami, cashcata ruhuashpa taripanga.

NÚMEROS 35:26

Huañuchic runa miticuna llactamanta llucshishpa carupi puricucpi,

2 SAMUEL 14:14

Ñucanchicca tucuimi huañunalla canchic. Pambapi tallirishca yacu shina maita mana tandaipacmi canchic. Shina cashpapish, Diosca pimantapish mana causaita quichunchu. Chaipac randica llactamanta llucchishpa cachashcacuna paimanta ima shinapish ama ashtahuan caruyachunmi munan.