NÚMEROS 33:1 - Dios Rimashcata Quillcashcami

¹ Israelcunataca Egipto llactamantaca Moisés, Aaronmi soldadocunata shina pushamurca.

NÚMEROS 33:1 Referans Kwoze

MIQUEAS 6:4

Ñucami Egipto llactamantaca llucchimurcani. Cancuna, chai llactapi huatashca shina causacucpimi, Moisesta, Aaronta, Mariata cachashpa quishpichircani.

SALMOS 77:20

Moises-huan Aaronhuanmi can acllashcacunataca manada ovejacunata shina pushamurcangui.

1 SAMUEL 12:8

Egiptoman Jacobo paipac huahua huahuacunandi chayacpica, yallitami chaipi causaccunaca llaquichirca. Chaimantami Mandac Diostaca caparishpa mañarca. Chashna cacpimi, cancunapac taitacunata Egiptomanta llucchichun Moisesta, Aaronta Mandac Diosca cacharca. Paicuna llucchishpami, cai llactapi causachun churarca.

JOSUÉ 24:5

Ñucaca Moisesta, Aaronta cachashpami, Egiptopi causaccunata yallita llaquichishca quipa cancunataca llucchircani.

ÉXODO 13:18

Chaimantami chai shitashca pamba ñanta rishpa, ashtahuan caruta muyushpa, Puca Cuchata pusharca. Israelcuna Egiptomantaca allichirishpami llucshirca.

ÉXODO 12:51

Chai punzhallatacmi Mandac Diosca israelcunataca tandachishpa Egiptomanta llucchirca.

ÉXODO 12:37

Israelcunaca Ramesesmantaca Sucotmanmi llucshirca. Paicunapac huahuacunata mana yupashpa, chaquillahuan riccunallami sucta patsac huaranga carca.

NÚMEROS 33:2

Moisesca Mandac Dios mandacpimi, israelcuna maita shamushcata, maipi samarishcata quillcarca. Paicunaca cai llactacunatami rirca.

SALMOS 105:26

Chai quipami pai acllashca paita servic Moisestapish, Aarontapish cacharca.

ÉXODO 6:26

Mandac Dios Aarontapish, Moisestapish rimashpaca: «Cancunami israelcunataca Egiptomanta sumacta tandachishpa llucchimugringuichic» nirca.

ÉXODO 12:41

Chuscu patsac quimsa chunga huata tucucpica, chai punzhallatacmi Mandac Diosca israelcunata tandachishpa, Egiptomanta llucchirca.