NÚMEROS 32:6 - Dios Rimashcata Quillcashcami

⁶ Shina nicpimi, paicunataca: —¿Cancunapac huauqui israelcuna macanacuiman ricpipish, cancunaca caillapichu saquirishun ninguichic?

NÚMEROS 32:6 Referans Kwoze

1 CORINTIOS 13:5

Shinallatac imapish pingaipacta mana ruhuacchu, jahualla mana piñaricchu, quiquinlla charinata mana munacchu, unaicaman mana piñaricchu,

FILIPENSES 2:4

Maijanpish quiquinlla alli canataca ama yuyaichicchu, ashtahuanpish shuccuna alli cachun munaichic.

2 SAMUEL 11:11

Shina tapucpimi Uriasca: —Arcapish, Judá llacta runacunapish, israelcunapish carpa huasillapimi tiyacun. Ñucata mandac Joabpish, shinallatac can jatun mandacta servic caishuccunapish canzha carpa huasillapimi sueñuncuna. Chaita ricushca jahuaca imata ñucaca huasiman rishpa, alli micushpa, alli ubiashpa, huarmihuan sueñushpa cagrishayari. ¡Can jatun mandacpac causaimantapish, cambac almapac causaimantapish caitaca manatac ruhuashachu!— nirca.

NÚMEROS 32:5

Chaimanta ñucanchic canta serviccuna cambac ñahuipi alli ricurishca cacpica, cai allpata ñucanchicman cui. Ama Jordán yacuta pasachichu— nirca.

NÚMEROS 32:7

¿Imamantatac Mandac Dios cusha nishca llactaman israelcuna ama yaicuchun, mana vali yuyaita cushpa, jarcasha ninguichic?

JUECES 5:16

¿Ima nishpatac ovejacuna huacacta uyangapac corral ladopi saquircanguichic? ¡Rubenpac aillupurapica imata ruhuanatami yuyarinacurca!