NÚMEROS 32:22 - Dios Rimashcata Quillcashcami

²² Ña tucui chai allpata caishuc israelcunaman japishca quipaca cutimunguichiclla. Cancuna ruhuashun nishcata Diospac ñaupapipish, israelcunapac ñaupapipish pactachishpaca, ima llaquitapish mana apanguichicchu. Cancuna chashna ruhuacpica, cai allpaca Mandac Diospac ñaupapi cancunapacmi canga.

NÚMEROS 32:22 Referans Kwoze

JOSUÉ 22:9

Shinami Rubenpac, Gadpac aillucunapish, Manasespac chaupi aillupish Canaán llactapi cac Silo pueblopi israelcunamanta caruyashpa, paicunapac Galaad llactaman cutimurca. Chai llactataca Mandac Dios Moisesta mandashca shinami, paicuna causachun curca.

JOSUÉ 22:4

Cancunata Mandac Diosca pai nishca shinami, cancunapac huauquicunamanca cushi causaita cushca. Cunanca Jordán yacu chimba ladopi Mandac Diosta servic Moisés cancunaman cushca llactaman, cancunapac carpacunaman cutichiclla.

DEUTERONOMIO 3:20

Mandac Dios cancunaman allpata cushpa, sumac causaita cushca shinallatac cancunapac huauquicunapish Jordán yacumanta chimba ladopi cac llactata japingacaman chaipi saquirichic. Chai quipami ñuca cushca llactaman cutinguichic” nishpami cacharcani.

JOSUÉ 13:8

Ashtahuanpish Rubenpac, Gadpac aillucuna, shinallatac Manasespac chaupi ailluca ñami japirca. Paicunamanca Mandac Diosta servic Moisesmi Jordán yacumanta inti llucshina ladoman tiyac llactacunata curca.

JOSUÉ 1:15

Chashnami cancunata Mandac Dios cancunata pasachishca shinallatac, cancunapac huauquicunata samachingacaman, shinallatac paicunapish Mandac Dios cushca allpata japingacaman ayudana canguichic. Chai quipaca Jordán yacumanta inti llucshina ladoman Mandac Diosta servic Moisés cancunaman cushca llactaman cutinguichicllami” nishcata yuyarichic— nirca.

SALMOS 78:55

Chaipi causac runacunataca israelcuna ricucucpimi, llucchishpa cacharca. Chai quipaca huascahuan medishpami allpacunata chaupishpa curca. Chai runacuna causana huasicunapica Israel aillucunatami causachun churarca.

2 SAMUEL 3:28

Chaita yachac chayashpami Davidca: —¡Nerpac churi Abnerta huañuchishca yahuarmantaca ñucapish, ñuca mandanapish huiñaitami Mandac Diospac ñaupapi mana juchayuc canchic!

JOSUÉ 18:1

Tucui tandanacushca israelcuna chai llactacunata japishca quipaca, Silo pueblopimi tandanacushpa, Dios-huan tupana huasita shayachirca.

JOSUÉ 11:23

Mandac Dios Moisesta mandashca shinallatacmi Josueca tucui chai llactata japirca. Chai llactacunataca Israel aillucuna mashna aillu cashca shinallatacmi, chaupishpa curca. Shinami chai llactaca ña mana macanacui tiyacpi samarirca.

JOSUÉ 10:42

Mandac Dios israelcunamanta macanacucpimi, tucui jatun mandaccunatapish atishpa, paicunapac jatun llactacunatapish japirca.

JOSUÉ 10:30

Mandac Dios chai pueblopi causaccunatapish, chai pueblota jatun mandactapish israelcunapac maquipi churacpimi, paicunaca chai pueblopi causaccunataca shucllatapish mana saquishpa, tucuita espadahuan chugrichishpa huañuchirca. Chai Libna pueblota jatun mandactaca Jericó pueblota mandacta shinallatacmi huañuchirca.

JOSUÉ 2:19

Chai huasimanta maijanpish llucshishpa huañushpaca, paillatacmi juchayuc canga. Maijanpish cambac huasiman yaicushpa huañuchicpica, chai huañushcamantaca ñucanchicmi juchayuc cashun.

LEVÍTICO 14:34

«Cancuna ña Canaán llactaman chayashpa, ñuca cushca llactapi causacucpi, maijanpac huasipi lepra ungüita ñuca churacpi, chai ungüi ricuricpica,

NÚMEROS 32:21

Cancunata piñaccunata cancunapac ñaupamanta llucchishpa cachangacaman tucui cancuna macanacunahuan allichirishpa, Mandac Diospac ñaupata Jordán yacuta pasanguichic.