NÚMEROS 31:16 - Dios Rimashcata Quillcashcami

¹⁶ ¡Chai huarmicunaca Balaam yachachishcata uyashpami israelcunata pandachirca! ¡Chaimantami Mandac Diospaclla israelcunaca Baal-peor diosta adorashpa, Mandac Diosta piñachirca! ¡Chaimantami Mandac Diospac tandanacushca israelcunaca achca huañurca!

NÚMEROS 31:16 Referans Kwoze

2 PEDRO 2:15

Cashcata ruhuashpa causanata saquishpami Bosorpac churi ñaupa huillac Balaam ruhuashcata catishpa pandarishpa purincuna. Balaamca millaita ruhuashpallami, cullquita japinata munac carca.

APOCALIPSIS 2:14

Shina cacpipish asha mana allicunata ruhuacushcatami cantaca ricuni. Chaipica Balaam yachachishcacunata catishpa mana saquinata munaccunatami charingui. Paimi israelcunataca chai ruhuashcalla dioscunaman cushca micunata micuchunlla, huacllirichunlla nishpa, yachachichun Balactaca yachachishca carca.

JOSUÉ 22:17

¿Peor shuti diosta mañashpa mana allita ruhuashcaca cancunamanca ashallachu? Chai mana allita ruhuashcamantaca cancunamantami mapayashca canchic. Chaimantami Mandac Diospac tandanacushca israelcunaca yallita llaquita aparcanchic.

DEUTERONOMIO 4:3

Mandac Dios Baal-peor diosta mañaccunata imata ruhuashcataca quiquin ñahuihuanmi ricurcanguichic. Mandac Diosca Baal-peor diosta caticcunataca cancunapac chaupimi tucuchirca.

NÚMEROS 24:14

Riqui, cunanca ñuca llactaman rigrinillami. Shina cacpipish, tucuri punzhacunapi israelcuna cambac llactacunapi causaccunata imata ruhuagricushcata huillangapac shamui— nirca.

PROVERBIOS 23:27

Cullquimanta huainayac huarmica yallita ucu jutcu shinami. Shucpac huarmica quichqui jutcu shinami.

NÚMEROS 25:18

Paicunaca allita umanata yachashpami cancunataca Baal-peor diosta adorachishpa umarca. Shinallatac madianitapac huasi ucupurata pushacpac ushi Cozbimi huarmipish pandachircami. Paica Baal-peor diosta adoracushcamanta huañuchicuc punzhapimi huañurca» nirca.

ECLESIASTÉS 7:26

Tuclla shina, linchi shina shunguta charic, huatana huascata shina maquita charic huarmica huañuitapish yalli jayac cactami ricurcani. Diosta cushichic runallami chai huarmimantaca quishpiringa. Ashtahuanpish juchayuc runaca, chai huarmihuanmi prezushca shina saquiringa.

SAN JUDAS 1:11

Chashna gentecunaca, ¡aij, imachari tucungacuna! Paicunaca Caín ruhuashcatami catishcacuna. Balaam shinami, cullquiraicu pandarishcacuna. Shinallatac Coré shina cariyaclla cashcamantami, huañushpa chingaringacuna.

NÚMEROS 31:8

Madianitacunahuan macanacushpaca, chai llactata pichca jatun mandaccuna Evita, Requemta, Zurta, Hurta, Rebatami huañuchirca. Shinallatac Beorpac churi Balaamtapish espadacunahuanmi huañuchirca.