NÚMEROS 3:3 - Dios Rimashcata Quillcashcami

³ Paicunami Aaronpac churicunamantaca Diosta servingapac aceitehuan cahuishca curacuna carca.

NÚMEROS 3:3 Referans Kwoze

ÉXODO 28:41

Aaronmanpish, paipac churicunamanpish chai churanacunata churachingui. Chai quipaca ñucapaclla chicanyachishca cura, mandac cachunca aceiteta umapi churangui.

LEVÍTICO 8:30

Chai quipami Moisesca altarpi tiyac yahuartapish, cahuina aceitetapish japishpa Aaronpipish, paipac churicunapipish, paicunapac churanacunapipish chiraparca. Chashna ruhuacpimi, Aaronpish, churicunapish, churanacunapish Diospaclla saquirirca.

LEVÍTICO 8:12

Moisesca Aaronpac umapi aceiteta tallishpami, Diospaclla curata ruhuarca.

HEBREOS 7:28

Moisés mandashcaca juchayuc runacuna jatun mandac cura cachun nin, ashtahuanpish Dios, pai ari nishpaca, Moisés mandashcacunamanta quipa cashpapish, huiñaita pactachic paipac Churitami jatun mandac cura cachun nin.

ÉXODO 40:15

Shinallatac Aaronta ima shinami aceitehuan cahuishca shinallatac, paipac churicunatapish ñucapaclla chicanyachishca curacuna cachun aceitehuan cahuingui. Chai aceitehuan cahuicpica, paicunapac huahua huahuacunapish huiñaitami ñucapaclla curacuna canga» nirca.

ÉXODO 40:13

Aarontaca ñucapaclla chicanyachishca churanacunata churachishpa, aceiteta tallishpa chicanyachingui. Chashna ruhuacpimi, ñucapaclla cura canga.

NÚMEROS 3:4

Shina cashpapish, Nadabhuan, Abiuhuanca Sinaí urcupi Mandac Diospac ñaupapi mana alli rupachishcamantami chaillapitac huañurca. Paicunaca mana huahuayucchu carca. Eleazarpish, Itamarpish paicunapac taita Aaronpac ñaupapi curallatacmi catirca.

1 CRÓNICAS 23:6

Davidca Levipac aillupuramanta Gersonpac, Cohatpac, Meraripac huahua huahuacunataca paicunapurallatacmi chicanyachirca.